İcbari Tibbi Sığorta üzrə Dövlət Agentliyi vakansiya elan edib – Sığortalı Azərbaycan xəbər verir ki, agentlik İctimaiyyətlə əlaqələr şöbəsinə vakansiya elan edir.
İcbari Tibbi Sığorta üzrə Dövlət Agentliyi İctimaiyyətlə əlaqələr şöbəsinə aparıcı/baş məsləhətçi vakansiyası elan edir.
İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.
Biz nə təklif edirik:
Gənc və peşəkar kollektivdə çalışmağın üstünlüyü;
Yüksək komanda ruhunda əməkdaşlıq və zəngin təcrübənin qazanılması;
Karyera irəliləyişlərində yaradılan şərait;
Rəqabətədavamlı əmək haqqı;
İldə üç dəfə mükafat.
Bizim üçün uyğun namizəd:
Ali təhsil (jurnalistika və filologiya istiqamətində olması arzuolunandır);
İctimaiyyətlə əlaqələr sahəsində 3 ildən az olmayaraq əmək stajı;
Azərbaycan dilində səlis yazmaq və danışmaq bacarığı;
Müvafiq məlumatların (press-reliz/xəbər/məqalə/müsahibə/hesabatlar və s.) yazılması, strategiya, hesabat və digər sənədlərin hazırlanması bacarığı;
Yüksək ünsiyyət, təşkilatçılıq, komandada işləmə bacarığı;
Xarici dil bilikləri arzuolunandır;
Ofis proqramları üzrə biliklər.
Görəcəyiniz işlər:
İcbari tibbi sığorta sistemi ilə bağlı informasiya materiallarının (press-reliz, müsahibə, məqalə, açıqlama, təkzib və s.), çap məhsullarının (buklet, plakat, flayer, jurnal, təlimat kitabçaları və s.) hazırlanması və redaktəsi;
Müxtəlif tədbirlər üçün Agentliyin fəaliyyətindən irəli gələn məsələlərlə bağlı təqdimat və çıxışların hazırlanması;
Mediadan daxil olan informasiya sorğularının cavablandırılması
Sosioloji sorğuların keçirilməsi işinin təşkili, hesabatların təhlil və nəticələrə əsasən yoxlanılması;
Materiallara analitik yanaşma, mətnlərin məntiqi təhlil edilməsi, yarana biləcək risklərin müəyyənləşdirilməsi, ictimai rəyin maraqlarının qiymətləndirilməsi;
İctimaiyyətlə əlaqələr sahəsi üzrə yeni imkanlar barədə beynəlxalq təcrübənin öyrənilməsi, kommunikasiyanı səciyyələndirən əsas şərtlər, rəqəmsallaşma sahəsində araşdırmaların aparılması və iş prosesində tətbiq edilməsi;
Departamentin illik fəaliyyəti və icra etdiyi strategiyaların icra vəziyyəti barədə hesabatların hazırlanması;
İctimaiyyətlə əlaqələr sahəsində təşkilati və sərəncamverici sənədlərin hazırlanması.
Əlavə məlumatlar:
İş qrafiki: Bazar ertəsi – Cümə, 5 günlük iş həftəsi;
İş vaxtı: 09:00 – 18:00;
İş yeri: Bakı şəh., Lev Tolstoy 170
Müraciət qaydası:
Vakansiyaya son müraciət tarixi: 11.03.2024-cü il;
CV-lər cv@its.gov.az ünvanına göndərilməlidir;
Müraciət etdiyiniz vəzifənin adı “mövzu” bölməsində qeyd edilməlidir;
Müraciətlər nəzərdən keçiriləcək, yalnız tələblərə cavab verən namizədlərlə əlaqə saxlanılacaqdır.
Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
