Sığortalı Azərbaycan xəbər verir ki, Azərbaycanda dövlət dəstəyi ilə tətbiq edilən aqrar sığorta mexanizmindən faydalanan fermerlərin sayı, eləcə də sığortalanan əkinlərin sahəsi və ödənilən sığota ödənişləri kəskin artıb.
2023-cü ildə ölkə üzrə sığortalanmış əkinlərin sahəsi 43% artaraq 380 ha olub.
Əkin sahələrinin sığortası üzrə fermerlərlə 43 min müqavilə imzalanıb.
Bitkiçilik sahəsindən sığorta haqları isə 40% artaraq 12,4 milyon manat təşkil edib. Ən çox sığortalanan əkin sahələri – buğda, arpa, pambıq və qarğıdalı olub.
Ötən il Aqrar Sığorta Fondu tərəfindən ümumilikdə 7800 baş kənd təsərrüfatı heyvanı sığorta edilib, 3,9 milyon manat sığorta haqqı toplanıb.
2023-cü ildə Aqrar Sığorta Fondu tərəfindən sığortalı fermer və təsərrüfatlara böyük məbləğdə ödənişlər edilib – sığorta ödənişləri 2022-ci illə müqayisədə 80% artaraq 4,4 milyon manata yüksəlib.
Ödənişlərdən 3,5 milyon manatı bitkiçilik, 910 min manatı heyvandarlıq sığortasının payına düşüb. Bitkiçilik üzrə ödənişlər 2 dəfə, heyvandarlıq sığortası üzrə 28% artıb.
2023-cü ildə bitkiçilik sığortası üzrə ən çox zərər ödənişi edilmiş rayonlar Ağdam, Şəki və Qobustan rayonları olub.
Ən böyük məbləğdə sığorta ödənişləri – buğda, arpa, pambıq, qarğıdalı və gilas bitkiləri üzrə verilib.
Aqrar Sığorta Fondunun məlumatına görə, bitkiçilik sığortası sahəsində ən çox baş verən və ödəniş edilən hadisələr fırtına-qasırğa, sel-subasma, dolu, 3-cü şəxslərin hərəkətləri və yanğın olub.
Xatırladaq ki, aqrar sığorta mexanizmində fermerlər sığorta haqlarının yalnız yarısını ödəyirlər, qalan 50%-i fermierə dəstək üçün dövlət özü ödəyir.
Aqrar Sığorta Fondunun fəaliyyəti, göstərdiyi xidmətlər, aqrar sığorta tariflərilə Fondun internet səhifəsi (asf.gov.az) vasitəsilə tanış olmaq mümkündür.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
