Türk Dünyası Sığorta Birliyinin təsis edildiyi gündən 2 il ötür

0
426
Türk Dünyası Sığorta Birliyinin tesis edildiyi günden 2 il ötür
Türk Dünyası Sığorta Birliyinin tesis edildiyi günden 2 il ötür

Türk Dünyası Sığorta Birliyi-nin təsis edildiyi gündən 2 il ötür – Sığortalı Azərbaycan xəbər verir ki, bu haqda ASA rəsmi səhifəsindən paylaşım edib.

Azərbaycan Sığortaçılar Assosiasiyası ilə Türkiyə Sığorta Birliyi arasında əldə olunmuş ortaq razılıq və birgə təşəbbüs nəticəsində 2022-cü ilin 24 may tarixində Türkiyənin İstanbul şəhərində təşkil olunmuş Beynəlxalq Sığorta Zirvəsində Türk Dünyası Sığorta Birliyi təsis edilib.

Azərbaycan Sığortaçılar Assosiasiyası, Türkiyə Sığorta Birliyi, Özbəkistan Peşəkar Sığorta Bazarı İştirakçıları Assosiasiyası, Qazaxıstan Sığortaçılar Assosiasiyası və Qırğızıstan Sığortaçılar Assosiasiyasının üzvlüyü ilə təsis edilən Türk Dünyası Sığorta Birliyi tarixdə ilk dəfə türk dövlətlərinin sığorta sənayeləri arasında əməkdaşlıq platforması oldu.

Türk Dünyası Sığorta Birliyinin başlıca məqsədi türk dövlətlərinin sığorta bazarları arasında təcrübə, kadr və məlumat mübadiləsinin həyata keçirilməsi, təkrarsığorta əlaqələrinin formalaşdırılması və ortaq sığorta hovuzunun yaradılmasıdır.

Sevindirici haldır ki, Birliyin əhəmiyyəti qısa zamanda beynəlxalq təşkilatların diqqətini çəkdi və Türk Dövlətləri Təşkilatı (TDT) Türk Dünyası Sığorta Birliyini öz himayəsinə almaqla bağlı qərar verdi. Hazırda bu istiqamətdə iş aparılır və Birlik TDT formatında yenidən təşkil olunur.

Belə ki, Şimali Kipr Sığorta və Təkrarsığorta Birliyi, Macarıstan Sığortaçılar Assosiasiyası və Türkmənistan Dövlət Sığorta Təşkilatı ilə danışıqlar aparılıb, müvafiq təşkilatların Türk Dünyası Sığorta Birliyinə müşahidəçi təşkilat olmaqları ilə bağlı ilkin razılıq alınıb. Habelə ötən dövr ərzində Azərbaycan Sığortaçılar Assosiasiyası tərəfindən Birliyin “Yol xəritəsi” hazırlanıb və üzv dövlətlərin təşkilatları tərəfindən bəyənilərək yüksək qiymətləndirilib.

Azərbaycan Respublikasının Prezidenti cənab İlham Əliyevin dediyi kimi: “Bizim ailəmiz Türk dünyasıdır!”. Çox sevinirik ki, sığorta sənayesi olaraq biz də bu ailənin bir parçasıyıq.

Türk Dünyası Sığorta Birliyinin təsisçilərini, habelə təmsilçi ölkələrin sığortaçılarını – ümumilikdə türk dünyasını bu münasibətlə ürəkdən təbrik edir, uğurlar arzulayırıq.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin