Aqrar Sığorta Fondu ADAU-da keçirilən Karyera Sərgisində fəal iştirak edib

0
301
Aqrar Sığorta Fondu ADAU-da keçirilən Karyera Sərgisində fəal iştirak edib
Aqrar Sığorta Fondu ADAU-da keçirilən Karyera Sərgisində fəal iştirak edib

Sığortalı Azərbaycan xəbər verir ki, Azərbaycan Dövlət Aqrar Universitetində (ADAU) 16-cı Karyera Sərgisi keçirilib.

Sərgidə Kənd Təsərrüfatı Naziri Məcnun Məmmədov, ADAU-nun rektoru Zəfər Qurbanov, Gəncə Şəhər İcra Hakimiyyətinin başçısının müavini Adil Tağıyev, Türkiyənin Gəncə şəhərindəki Baş konsulu Recep Öztop, Aqrar Sığorta Fondunun nümayəndələri, çoxsaylı işəgötürən şirkət və təşklatlar, mütəxəssislər, tələbələr və sair qonaqlar iştirak edib.

Sərginin açılış mərasimində çıxış edən ADAU-nun rektoru Zəfər Qurbanov bildirib ki, sərgidə 100-dən çox təşkilat və şirkət tərəfindən 1000-dən çox vakant yer təqdim olunub.

Mərasimdə çıxış edən kənd təsərrüfat naziri Məcnun Məmmədov diqqətə çatdırıb ki, kənd təsərrüfatının intensiv inkişafı aqrar sektorda innovasiyaların tətbiqi və yüksək ixtisaslı mütəxəssislərin mövcudluğundan birbaşa asılıdır. Məhz bu səbəbdən bütün dünyada olduğu kimi, Azərbaycanda da aqrar sahədə məhsuldarlığın artmasını təmin edən müasir texnika və texnologiyalardan səmərəli istifadə etmək bacarığına malik peşəkar kadr və mütəxəssislərə ehtiyac getdikcə artır.

Sərgidə iştirakçı şirkət və müəssisələrin təmsilçiləri vakant iş yerləri barədə məzun və qonaqlara ətraflı məlumat veriblər.

Karyera Sərgisində Aqrar Sığorta Fondu da fəal iştirak edib. Fondun stendində tələbələr üçün zəruri və faydalı məlumatlar, flayerlər və tanınım materialları yer alıb. Ziyarətçilərə, aqrar sığorta mexanizmi, onun əhəmiyyəti, bu sahədəki təcrübə proqramları və iş imkanları barədə geniş məlumat verilib.

Karyera sərgisində iştirak edən Kənd Təsərrüfatı Naziri Məcnun Məmmədov Aqrar Sığorta Fondunun (ASF) stendi ilə tanış olub. Nazirə məlumat verilib ki, Aqrar Sığorta Fondu ADAU ilə yaxından səmərəli əməkdaşlıq edir.

Belə ki, ADAU-nun tələbələrir həm Bakı şəhərində yerləşən ASF-nin əsas ofisində, həm də Fondun regionlardakı filiallarda könüllülük fəaliyyəti ilə məşğul olur, sahə barədə məlumatlanır və aqrar sığortanın işində yaxından iştirak edirlər.

Qeyd edilib ki, ADAU-nun tədris-təcrübə məqsədilə istifadə edilən üzüm bağları da Aqrar Sığorta Fondu tərəfindən sığorta edilib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin