Sığortalı Azərbaycan xəbər verir ki, Azərbaycan Sığortaçılar Assosiasiyası tərəfindən jurnalistlər arasında təşkil olunmuş növbəti yazı müsabiqəsi nin qaliblərinin mükafatlandırılma mərasimi keçirilib.
ASA-dan verilən məlumata görə, “Risklərin təminat altına alınmasında həyat sığortalarının rolu” mövzusunda təşkil olunmuş bu yazı müsabiqəsində I, II və III yerlər üzrə qaliblərə xüsusi plaket və pul mükafatları, müsabiqədə iştirak edən digər 3 jurnalistə isə sertifikat və qiymətli hədiyyələr təqdim olunub.
Yazı müsabiqəsində 1-ci yerə “ENA.az” xəbər portalının baş redaktoru İlhamə Abdullayeva, 2-ci yerə “Report” İnformasiya Agentliyinin baş redaktor müavini İlahə Məmmədli, 3-cü yerə isə “AZƏRTAC” – Azərbaycan Dövlət İnformasiya Agentliyinibən aparıcı müxbiri Samirə Quliyeva layiq görülüb. “Banco.az” xəbər portalının reportyoru Gülnar Əhmədli, “Vergilər” qəzetinin II dərəcəli müxbiri Fərqanə Sədirova və “GDP.az” xəbər portalının redaktoru Aynur Qəniyeva sertifikat və qiymətli hədiyyələrlə mükafatlandırılıblar.
Qeyd edək ki, bu yazı müsabiqəsi Azərbaycan Respublikasının Mərkəzi Bankı, Azərbaycan Sığortaçılar Assosiasiyası və İcbari Sığorta Bürosu arasında imzalanmış “Sığorta savadlılığının artırılması, maarifləndirmə, təbliğat və qarşısıalınma tədbirlərinin sistemli və ardıcıl həyata keçirilməsinə dair qarşılıqlı əməkdaşlıq haqqında” Memorandum çərçivəsində təşkil olunmuşdu. Müsabiqənin başlıca məqsədi ölkəmizdə sığorta savadlılığının artırılmasına, cəmiyyətdə sığortaya marağın formalaşdırılmasına, habelə jurnalistlərin sığorta sahəsində də ixtisaslaşmasına töhfə verməkdən ibarətdir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
