ASF Salyanda görüş keçirib – Sığortalı Azərbaycan xəbər verir ki, Salyanın Həsənli, Şəkərli, Varlı, Qarabağlar və Qaraçala kəndlərində keçirilən görüşlərdə aqrar sığorta mexanizminin iş prinsipi, sığorta şərtləri, fermerlər üçün faydaları barədə ətraflı məlumat verilib.
Bildirilib ki, Prezident İlham Əliyevin Fərmanı ilə 2019-cu ildə yaradılan Aqrar Sığorta Fondunun fəaliyyəti ölkənin bütün ərazisini əhatə edir və hazırda heyvandarlıq, bitkiçilik və balıqçılıq təsərrüfatları müxtəlif risklərdən sığortalanır.
Fermerlərə təsərrüfatlarını çoxsaylı risklərdən – təbii fəlakətlərdən, sel-subasma, dolu, leysan, yoluxucu xəstəliklər və zəhərlənmələrdən, vəhşi heyvanların hücumundan, üçüncü şəxslərin hərəkətləri nəticəsində dəyən zərərlərdən aqrar sığorta ilə qorumağın üstünlükləri barədə məlumat verilib. Sığorta haqları isə olduqca sərfəlidir – belə ki, Salyanda 1000 manatlıq buğda məhsulunun sığortalanması fermerə cəmi 7,4 manata, 1000 manatlıq pambıq məhsulunun sığortası isə 7,1 manata başa gəlir.
Görüşdə kənd təsərrüfatı heyvanlarının sığortalanması barədə də ətraflı məlumat verilib. Bunun üçün heyvanların qeydiyyatı və EKTİS sistemində bəyan edilməsi tələb olunur.
Görüşdə iştirak edən Azərbaycan Qida Təhlükəsizliyi Agentliyinin nümayəndələri heyvanların birkalanması və qeydiyyatı barədə fermerləri məlumatlandırıblar.
Qeyd edilib ki, fermerlərə dəstək məqsədilə aqrar sığorta haqlarının 50%-ni dövlət özü ödəyir, nəticədə təsərrüfatı sığortalamaq üçün fermerlərdən olduqca kiçik məbləğ tələb olunur. Güzəştli sığorta ilə fermer təxminən 1000 manat dəyərində iribuynuzlu heyvanın sığortası üçün 26 manat, 300 manatlıq qoyunun sığortası üçün isə cəmi 7,8 manat ödəyir.
Görüşdə sığorta haqlarının hesablanması, sığorta ödənişi prosesi, ayrı-ayrı bitkilər və məhsullar üzrə sığorta ödənişlərinin verilməsi misallarla izah edilib.
Son vaxtlar aqrar sığortadan istifadə edənlərin sayı artır, belə ki, 2022-ci ildə zərər görən təsərrüfatlara Aqrar Sığorta Fondu tərəfindən 2,4 milyon manat, 2023-cü ildə 4,4 milyon manat, 2024-cü ilin ilk yarısında isə 2,9 milyon manata yaxın ödəniş edilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
