Sığortalı Azərbaycan xəbər verir ki, Nazirlər Kabinetinin qərarı ilə təsdiq edilmiş “Aqrar sığorta qaydaları”-na əsasən əkin sahələrini, meyvə bağlarını, eləcə də iri və xırdabuynuzlu heyvanlarını sığortalamış şəxslər sığorta hadisəsi baş verdikdə mütləq Aqrar Sığorta Fondunun yerli filiallarına və 1651 Çağrı mərkəzinə,eləcə də müvafiq dövlət qurumuna xəbər verməlidir.
Əkin sahələri üzrə hadisə baş verdikdə 10 gün ərzində, heyvandarlıq sığortası üzrə isə 24 saat ərzində Aqrar Sığorta Fonduna sığorta tələbi ilə müraciət etməlidir.
Bundan əlavə fermer hadisə barədə müvafiq dövlət orqanlarına da məlumat verməlidir. Məsələn, əkin sahəsində və ya təsərrüfatda yanğın hadisəsi baş verdikdə Fövqəladə Hallar Nazirliyinin (FHN) Yanğından Mühafizə Xidmətinə, 3-cü şəxsin hərəkəti ilə bağlı hallarda isə hüquq mühafizə orqanlarına müraciət etmək tələb olunur.
Fermerin müraciəti əsasında təyin olunmuş müstəqil aqrar sığorta eksperti sahəyə və ya heyvana baxış keçirərkən sığortalı şəxs onun işləməsinə şərait yaratmalı, mane olmamalıdır.
Əkin və məhsul üzrə sığortalarda ekspert hadisə baş vermiş əraziyə gələnə qədər fermer bu ərazidə məhsulu yığmamalı, biçin həyata keçirməməlidir, eyni zamanda sahədə müvafiq aqrotexniki qulluq işləri aparılmalıdır. Amma aqrotexniki qulluq işləri elə aparılmalıdır ki, baş vermiş hadisə ilə bağlı dəlilləri məhv etməsin.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
