Sığortalı Azərbaycan xəbər verir ki, əkin sahələri, yəni bitkiçilik (meyvə, tərəvəz və s.) məhsulları üzrə sığorta haqqı – əkin sahəsinin ölçüsündən, əkilən bitki növündən, gözlənilən məhsuldarlıq və qiymət, eləcə də əkin sahəsinin yerləşdiyi regiondan asılı olaraq dəyişir.
Sığorta haqqı – əkin sahəsi, 1 hektardan gözlənilən məhsuldarlıq, 1 sentner məhsulun bazar qiyməti və təsərrüfatın yerləşdiyi əraziyə tətbiq olunan sığorta tariflərinə uyğun olaraq hesablanır.
Sığorta haqqı = Əkinin sahəsi (hektar) x məhsuldarlıq (1 hektara sentnerlə) x məhsulun qiyməti (1 sentner üzrə) x region üzrə sığorta tarifi
Məsələn, Şəki-Zaqatala regionunda 1 hektar qarğıdalı bitkisinin sığorta haqqını hesbalayaq. Sözügedən regionda qarğıdalı bitkisi üzrə sığorta tarifi 3,36% təşkil edir.
1 hektar qarğıdalı sahəsindən gözlənilən məhsuldarlıq 60 sentner, 1 sentner məhsulun bazar qiymətini 40 manatdan götürsək, sığorta məbləği 2400 manat olan məhsulun 3,36% sığorta tarifinə uyğun sığorta haqqı 80 manat 64 qəpik təşkil edir.
Bu məbləğin 50%-i dövlət tərəfindən ödəniləcəyini nəzərə alanda, fermerin ödəyəcəyi sığorta haqqı cəmi 40,32 manatdır.
Sığorta tarifi bölgə, məhsul, həmçinin sığorta zərfinə görə dəyişir.
Hadisə zamanı sahəyə dəyən zərər hesablananda fermerin göstərdiyi məhsuldarlıq nəzərə alınır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
