Sığortalı Azərbaycan xəbər verir ki, 2023-2024-cü əkin mövsümü üzrə Aqrar Sığorta Fondu tərəfindən 6,2 milyon manata yaxın sığorta ödənişinin edilməsi proqnozlaşdırılır.
Bunu Fondun İdarə Heyəti sədrinin müavini Ləman Alıyeva-Məmişova bildirib.
Onun sözlərinə görə, əgər dəymiş ziyanla bağlı bütün sənədlər təqdim edilərsə, bu ilin sonuna qədər bu ödənişlərin böyük bir hissəsi həyata keçiriləcək: “Bu il sentyabrın 30-na Aqrar Sığorta Fonduna 1 698 müraciət daxil olub. Bu da ötən ilin eyni dövrü ilə müqayisədə 42,4 % çoxdur. Bu, Fond tərəfindən ödəniləcək məbləğin artacağını göstərir”.
O qeyd edib ki, bu il 50-dən çox rayonumuzdan təbii hadisələrlə bağlı müraciətlər daxil olub: “Halbuki, ötən il 30-a yaxın rayondan müraciət daxil olub. Müraciətlər ən çox Qarabağ və Şirvan-Salyan İqtisadi rayonlarından daxil olub. Müraciətlər dolu, sel-subasma, leysan kimi risklərdən daha çox daxil olub”.
O bildirib ki, ötən il fermerlər daha çox quraqlıqdan əziyyət çəkirdisə, bu il dolu, sel-subasma, leysandan əziyyət çəkiblər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
