Sığortalı Azərbaycan xəbər verir ki, burun çəpər əyriliyi burun boşluğunu iki hissəyə ayıran qığırdaq və sümükdən ibarət çəpərin əyilməsi nəticəsində yaranan bir vəziyyətdir. Bu hal burun tənəffüsünü çətinləşdirdiyi üçün yuxunun pozulmasına, baş ağrıları və ümumi həyat keyfiyyətinin azalmasına səbəb ola bilər.
2024-cü ilin yanvar-iyun ayları ərzində icbari tibbi sığorta hesabına 2000-ə yaxın burun çəpəri əməliyyatı icra olunub.
Qeyd edək ki, burun çəpər əyriliyi irsən keçə və anadangəlmə ola bilər. Bundan başqa travmalar, burun polip və ya törəmələrinin təzyiq etməsi kimi səbəblərin təsirindən də yarana bilər. Çəpər əyriliyi olan xəstələrdə təkrarlanan burun tutulması, kəskin və xronik sinusitlər, xoruldama, burundan tez-tez qan axması, orta qulağın iltihabı, eşitmə və iybilmə funksiyalarının pisləşməsi kimi şikayətlər ola bilər. Burun çəpər əyriliyinin müalicəsi yalnız cərrahi yolla mümkündür. Lakin əyriliyin mövcudluğu faktı cərrahi müdaxiləyə göstəriş deyil. Çəpər əyriliyi burun tənəffüsünün çətinləşməsinə, diskomfort və yanaşı xəstəliklərə səbəb olduğu hallarda əməliyyat icra edilir.
Əməliyyatdan əvvəl diaqnozun dəqiqləşdirilməsi üçün burun rentgenoqrafiyası, tibbi göstərişə əsasən KT, MRT və laborator analizlər kimi bir sıra diaqnostik müayinələr aparılır. Bu müayinələr, eləcə də, əməliyyatın xərci icbari tibbi sığorta çərçivəsində qarşılanır.
Məlumat üçün bildirək ki, burun çəpər əyriliyi ilə bağlı əməliyyatlarda müasir tibbi texnologiya və beynəlxalq standartlara uyğun tibbi alətlərdən istifadə olunur.
İcbari tibbi sığorta ilə sözügedən əməliyyat tibbi göstəriş və həkim təyinatı əsasında TƏBİB-in tabeliyindəki dövlət tibb müəssisələrində və İcbari Tibbi Sığorta üzrə Dövlət Agentliyinin müqavilə bağladığı tibb müəssisələrində (özəl və müvafiq dövlət qurumlarının tabeliyindəki) icra olunur
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
