Hesablama Palatası Naxçıvan Muxtar Respublikası Әmәk vә Әhalinin Sosial Müdafiәsi Nazirliyi tabeliyindә Sosial Xidmәtlәr Agentliyi publik hüquqi şәxsi tәrәfindәn dövlәt vәsaitinin vә dövlәt әmlakının istifadәsinə dair audit keçirib.
Sığortalı Azərbaycan xəbər verir ki, rayon (şәhәr) әmәk vә әhalinin sosial müdafiә mәrkәzlәrinin 2023-cü ildә saxlanması smetalarında “Xidmәt göstәrәnlәrә ödәnişlәr” 272910 yarımmaddәsi üzrә vәsait nәzәrdә tutulmuş vә evdә kömәyә möhtac vәtәndaşlara xidmәt göstәrәn sosial işçilәrә nәqliyyat vә s. xәrclәr bu yarımmaddә üzrә xәrc edilmişdir. Lakin Dövlәt Sosial Tәminat Xidmәt tәrәfindәn ümumi müavinәt ödәnişlәri üçün “Sosial müdafiә vә sosial tәminat sahәlәri üzrә digәr müәssisә vә tәdbirlәr” paraqrafı üzrә smeta tәsdiq edilәrkәn müvafiq xidmәtlә bağlı 272910 yarımmaddәsi üzrә vәsait tәkrar nәzәrdә tutulmuş vә 13600,0 manat vәsait proqnozlaşdırılaraq tәsdiq edilmiş, hәmin vәsait istifadәsiz qaldığından 11800 manatı azaldılmaqla tәyinatı dәyişdirilmiş, qalan 1800 manat vәsait isә il sonuna qәdәr icrasız qalıb.
Dövlәt Sosial Tәminat Xidmәti tәrәfindәn 37 halda şәxslәrin hәyat yoldaşlarının aktiv әmәk müqavilәsi olduğu halda 16800 manat mәblәğindә uşağın anadan olmasına görә birdәfәlik müavinәt dövlәt büdcәsinin vәsaiti hesabına ödәnilib.
Әhalinin sosial müdafiә mәrkәzlәri tәrәfindәn ünvanlı sosial yardım tәyin edilәrkәn bәzi hallarda hәmin şәxslәrin әmәk qabiliyyәtli olduğu halda әmәk fәaliyyәtlәrinin olmaması, aktiv әmәk müqavilәlәrinin qüvvәdәn düşmәsi, elәcә dә fiziki şәxs kimi mәcburi dövlәt sosial sığorta haqlarının ödәnilmәmәsi dәqiq araşdırılmayaraq ünvanlı sosial yardım ödәnişi edilmiş vә ümumilikdә 41 tәyinat üzrә 132993,5 manat artıq xәrc edilib.
Yaşa görә müavinәt tәyin edilmiş şәxslәrin fәrdi şәxsi hesablarında әks olunan mәlumatlara baxış zamanı Dövlәt Sosial Tәminat Xidmәti tәrәfindәn 2 halda şәxslәrin yaşa görә müavinәt ödәnişi hәyata keçirildiyi halda, әmәk fәaliyyәtlәrinin olduğu vә nәticәdә 2023- cü ildә 880,0 manat artıq müavinәt ödәnişinin olduğu müәyyәn edilib.
Ailә başçısını itirmәyә görә müavinәt tәyin edilmiş şәxslәrin fәrdi şәxsi hesablarına baxış zamanı 3 halda şәxslәrin әmәk fәaliyyәtlәri olduğu vә ümumilikdә 1341,3 manat artıq xәrc edildiyi müәyyәn edilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
