Sığortalı Azərbaycan xəbər verir ki, PAŞA Sığorta şirkəti 2023-cü ildən etibarən “PAŞA Holdinq”in “Vətən əmanətlərin keşiyindədir” təşəbbüsü çərçivəsində şəhid övladlarının sağlamlığını sığortalayır. Sözügedən sığorta xidməti 2025-ci ildə də davam edəcək.
Xatırladaq ki, “PAŞA Holdinq” tərəfindən 44 günlük Vətən müharibəsində şəhid olan qəhrəmanlarımızın 18 yaşadək övladları üçün 3 istiqamətdə aparılan sosial dəstək proqramı artıq üçüncü ildir davam etdirilir. 2024-cü ildən etibarən bu proqrama antiterror tədbirləri zamanı şəhid olan şəxslərin övladları da əlavə edilib. Layihə çərçivəsində həmin uşaqlar müəyyən bayram günləri münasibətilə bayram paketləri, təhsil paketi və genişləndirilmiş sığorta paketi ilə təmin edilirlər. Genişləndirilmiş sığorta paketi digər xidmətlərlə yanaşı, stomatoloji, eləcə də xroniki xəstəliklərin müayinəsi və müalicəsini nəzərdə tutur.
Proqram çərçivəsində iki il ərzində “PAŞA Sığorta” tərəfindən mindən çox müraciət üzrə xidmət göstərilib. Bunların arasında ambulator, stasionar, təcili yardım, stomatoloji, pediatriya, nevrologiya, oftalmologiya istiqamətləri üzrə xidmətlər yer alıb.
“Vətən əmanətlərin keşiyindədir” layihəsi çərçivəsində təqdim olunan tibbi sığortadan yararlanmaq üçün *7000 Sığorta Məsləhətləri Xəttinə müraciət etmək lazımdır.
Hazırda qeyri-həyat sığorta sektorunun bazar payına görə lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan PAŞA Sığorta 700.000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “S&P Global Ratings” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit reytinqini və maliyyə dayanıqlılığı reytinqini “BB”, reytinq üzrə proqnozu isə “Müsbət” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
