Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Vərəmlə Mübarizə üzrə Ölkə Əlaqələndirmə Komissiyasının növbədənkənar geniş iclasında iştirak edib.
“Azərbaycanda vərəmlə mübarizə sahəsində görülən işlər: nailiyyətlər, problemlər və gələcəyə baxış” mövzusuna həsr olunan tədbirin iştirakçılarını salamlayan səhiyyə naziri, Ölkə Əlaqələndirmə Komissiyasının sədri Teymur Musayev vərəmlə mübarizənin qlobal məsələ olduğunu bildirib. Teymur Musayev qeyd edib ki, “Vərəmlə mübarizə haqqında” Azərbaycan Respublikasının Qanunu 2000-ci ildə qəbul olunub. Həmçinin, 2023-cü ildə Səhiyyə Nazirliyinin dəvəti ilə tanınmış beynəlxalq ekspertlər tərəfindən Azərbaycanda vərəmlə mübarizə sahəsində həyata keçirilən tədbirlərin qiymətləndirməsinin aparılması diqqətə çatdırılıb.
İclasda çıxış edən İdarə Heyətinin sədri Ölkəmizdə icbari tibbi sığorta tətbiq edildikdən sonra bir sıra yoluxucu xəstəliklər kimi, vərəmlə bağlı diaqnostik xidmətlərə də vətəndaşların əlçatanlığının artdığını söyləyib: “Bilirsiniz ki, rentgen müayinəsi yalnız vərəm xəstəliyinin aşkarlanmasında və izlənilməsində deyil, həmçinin risk qrupuna aid şəxslərin vaxtaşırı müayinə olunmasında geniş istifadə olunur. Bu müayinəyə əlçatanlığı artırmaq üçün biz rəqəmsal rentgen avadanlıqları alıb TƏBİB-in tabeliyindəki tibb müəssisələrinə təhvil verdik. Qeyd edim ki, ənənəvi rentgen cihazlarından fərqli olaraq bu avadanlıqlar müayinə zamanı yüksək keyfiyyətli görüntü əldə etməyə imkan verir. Bu da təkrar müayinənin keçirilməsini minimuma endirir”.
TƏBİB-in İcraçı direktoru Vüqar Qurbanov vərəmə qarşı aparılan profilaktik tədbirlərin, dərmana davamlı vərəmlə mübarizənin, infeksiyanın erkən aşkarlanması və müasir müalicə üsullarının, risk qrupları arasında maarifləndirmə işlərinin və qlobal təcrübələrin ölkəmizdə tətbiqinin vacibliyini vurğulayıb.
Səhiyyə Nazirliyin Elmi-Tədqiqat Ağciyər Xəstəlikləri İnstitutunun direktoru İradə Axundovanın “Azərbaycanda vərəmlə bağlı cari vəziyyət”, TƏBİB-in Ağciyər Xəstəlikləri Mərkəzinin direktoru Nəhmət Rəhmanovun “Vərəmlə mübarizə sahəsində TƏBİB-in gördüyü işlər”, ÜST-nin Avropa Regional Bürosunun Vərəm üzrə regional meneceri Askar Yedilbayevin “Vərəmlə mübarizə sahəsində ÜST Avropa regionunda olan cari vəziyyət” mövzularında təqdimatları, həmçinin Səhiyyə siyasəti və islahatları sahəsində ÜST-nin beynəlxalq eksperti Akaki Zoidzenin “Azərbaycanda vərəmlə mübarizə fəaliyyətinin qiymətləndirilməsinin hesabatı” dinlənilib.
Təqdimatlardan sonra iclasın nəticələrinin yekun xulasəsi ilə çıxış edən səhiyyə nazirinin müavini Nadir Zeynalov qeyd edib ki, tədbirdə səsləndirilən fikir və təkliflər vərəmlə mübarizədə gələcək fəaliyyətlərdə öz töhfəsini verəcək.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
