Sığortalı Azərbaycan xəbər verir ki, Türkiyə Respublikasının Azərbaycan Respublikasındakı fövqəladə və səlahiyyətli səfiri Prof.Dr. Birol Akgün ilə Azərbaycan Sığortaçılar Assosiasiyasının İcraçı direktoru Elmar Mirsalayev arasında görüş keçirilib.
Türkiyənin ölkəmizdəki səfirliyində baş tutan görüşdə ASA-nın İcraçı direktoru Elmar Mirsalayev 18 Mart Çanaqqala Zəfəri və Şəhidləri Anma Günü münasibətilə Türkiyənin ölkəmizdəki səfirinə öz səmimi diləklərini bildirib və Azərbaycan-Türkiyə arasında zənginə tarixə malik qarşılıqlı tərəfdaşlıq və qardaşlıq münasibətlərindən danışıb.
E.Mirsalayev iki ölkə arasında sığorta sahəsində məhz ASA-nın təşəbbüsü ilə ilk dəfə 2020-ci ildə qurulan və bu gün də məhsuldar nəticələrlə davam edən qarşılıqlı əməkdaşlıq əlaqələrindən söz açıb. İcraçı direktor, həmçinin, məhz bu iki qardaş ölkənin sığorta birliklərinin birgə təşəbbüsü ilə qurulan Türk Dünyası Sığorta Birliyinin fəaliyyəti çərçivəsində görülən işlər haqqında da geniş məlumat verib.
Türkiyə Respublikasının Azərbaycan Respublikasındakı fövqəladə və səlahiyyətli səfiri Prof.Dr. Birol Akgün də öz növbəsində ölkəmizdə sığorta sektorunun inkişafı yönündə görülən işləri və əldə olunan nəticələri yüksək qiymətləndirdiyini bildirib. O, həmçinin, Türk Dünyası Sığorta Birliyinin türk dövlətləri arasında sığorta sahəsində sıx əməkdaşlığı və inkişafı təmin edən uğurlu bir qovşaq olaraq dəyərləndirdiyini vurğulayıb.
Görüşün yekununda Türkiyə Respublikasının ölkəmizdəki səfirliyi ilə Azərbaycanın sığorta sektoru arasında münasibətlərin yeni fazada daha sıx əsaslarla formalaşdırılması istiqamətində niyyət birliyi əldə olunub.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
