Risklərin artdığı bir dövrdə sığorta, həm fərdi şəxslər, həm də şirkətlər üçün həyatın ayrılmaz bir hissəsinə çevrilir. Azərbaycanda sığorta bazarı son illər sürətlə inkişaf edərək, daha geniş kütləni əhatə edir. Bu ilin yanvar ayında sığorta yığımlarında artımın müşahidə edilməsi bu tendensiyanın davam etdiyini göstərir.
Sığortalı Azərbaycan xəbər verir ki, yanvar ayı üzrə sığorta bazarındakı yığımlarda əsaslı paya sahib olan şirkətləri araşdırıb.
Bu ilin yanvar ayında “Paşa Sığorta” şirkəti 69 milyon 50 min manat sığorta haqqı toplayıb. Bu, ötən ilin eyni dövrü ilə müqayisədə 0,5% artım nümayiş etdirir. Şirkətin bazardakı payı isə bu ilin yanvar ayında 42,19%, ötən ilin müvafiq dövründə isə 49,38% olub. Yəni, şirkət bazarın əsaslı hissəsinə sahibdir.
“Paşa Həyat Sığorta” şirkəti yanvar ayında 50 milyon 319 min manat sığorta haqqı toplayıb ki, bu da ötən ilin eyni dövrü ilə müqayisədə 33% artım göstərir. Şirkətin bazardakı payı ötən ilin müvafiq dövrü ilə müqayisədə 3,6% artaraq 30,7%-ə çatıb.
Bu ilin yanvar ayında “Atəşgah Həyat Sığorta” şirkəti 7 milyon 965 min manat sığorta haqqı toplayıb. Bu, əvvəlki illə müqayisədə 59,2% artım deməkdir. Şirkətin bazardakı payı 4,86%-ə çatıb, ötən ilin eyni dövründə isə bu göstərici 3,59% idi.
“Aqrar Sığorta” şirkəti isə yanvar ayında 7 milyon 613 min manat sığorta haqqı toplayıb ki, bu da əvvəlki ilə nisbətən 10,35% artım təşkil edir. Şirkətin bazardakı payı isə 4,65%-dir. Əvvəlki il isə bu göstərici 4,95% olub.
Ümumilikdə isə bu ilin yanvar ayında sığorta şirkətlərinin xətti ilə 163 milyon 658 min manat sığorta haqqı toplanıb. Bu, əvvəlki ilin eyni dövrü ilə müqayisədə 17,64% çoxdur. 2024-cü ildə bu rəqəm 139 milyon 114 min manat idi.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
