Azərbaycanda fəaliyyət göstərən 16 sığorta şirkətinin 2024-cü ildə məcmu gəlirləri 1 milyard 362,32 milyon manat təşkil edib.
Sığortalı Azərbaycan xəbər verir ki, bu, 2023-cü illə müqayisədə 21,9 % çoxdur.
Ötən il sığortaçıların məcmu xərcləri isə əvvəlki ilə nisbətən 25,9 % artaraq 1 milyard 177,865 milyon manat olub. Şirkətlərdən 11-nin gəlirləri, 11-nin də xərcləri artıb.
2024-cü ilin yekununda sığortaçıların məcmu maliyyə mənfəəti 184,455 milyon manat olub ki, bu da 2023-cü illə müqayisədə 1,4 % çoxdur. 9 şirkətdə maliyyə mənfəəti artıb, 6 şirkətdə azalıb, 1 şirkətdə isə maliyyə zərəri azalıb.
2024-cü ildə sığorta şirkətləri 32,754 milyon manat məbləğində mənfəət vergisi ödəyib. Bu, 2023-cü ilə nisbətən 4,1 % azdır. 16 şirkətdən 9-u vergi ödənişlərini artırıb, 5-i vergi ödənişlərini azaldıb, əvvəlki il vergi ödəməmiş 2 şirkət ötən il də vergi ödəməyib.
2024-cü ildə Azərbaycan sığortaçılarının məcmu xalis mənfəəti isə 151,701 milyon manat olub. Bu da 2023-cü illə müqayisədə 2,7 % çoxdur. Ötən il maliyyə mənfəətini artırmış 9 şirkət həm də xalis mənfəətini artırıb, maliyyə mənfəəti azalmış 6 şirkətin həm də xalis mənfəəti azalıb, maliyyə zərəri azalmış 1 şirkətin həm də xalis zərəri azalıb.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
