2023-cü il dekabrın 31-nə Əmanətlərin Sığortalanması Fondu nun (ƏSF) cəmi aktivləri 651,398 milyon manat təşkil edib.
Sığortalı Azərbaycan ƏSF-nin KPMG beynəlxalq auditor şirkəti tərəfindən audit olunan maliyyə hesabatına istinadən xəbər verir ki, bu, 2022-ci il dekabrın 31-nə nisbətən 15 % çoxdur.
2023-cü ildə ƏSF-nin cəmi öhdəlikləri 53 % artaraq 448,374 milyon manata, o cümlədən kompensasiya ödənişləri üzrə öhdəlikləri 8,9 dəfə artaraq 200,302 milyon manata çatıb, cəmi kapitalı isə 25,7 % azalaraq 203,023 milyon manata düşüb.
ƏSF 2007-ci ildə yaradılıb. Fondun əsas məqsədi banklar iflasa uğradıqda və onların depozit qəbulu üzrə lisenziyası ləğv olunduqda bank yığımlarının əmanətçilərə qaytarılmasına zəmanət verməkdir.
Xatırladaq ki, Azərbaycan Mərkəzi Bankı 2023-cü ilin may ayında “Günay Bank” ASC-nin, oktyabr ayında isə “Muğan Bank” ASC-nin lisenziyalarını ləğv edib. Bakı Apellyasiya Məhkəməsinin İnzibati Kollegiyasının qərarları ilə hər iki bank müflis elan olunub, onların barəsində iflas proseduruna başlanılıb və ƏSF bankların ləğvedicisi təyin edilib. Fondun “Günay Bank” üzrə təxminən 35 milyon manat, “Muğan Bank” üzrə isə təxminən 205 milyon manat – ümumilikdə 240 milyon manat kompenasiya öhdəliyi olub və bunun böyük hissəsi icra edilib. Kompensasiya ödənişinin kəskin artması bununla bağlıdır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 cəmi aktivləri 651,398 milyon manat təşkil edib.){kind=link}