Azərbaycan Sığortaçılar Assosiasiyasının ekspertlər qrupunun üzvü, “Meqa Sığorta” ASC-nin ictimaiyyətlə əlaqələr üzrə rəhbəri Emil Ağabağırov un Sığortalı Azərbaycan-a özəl müsahibəsini təqdim edirik:
–Sığorta şirkətləri risk qiymətləndirməsində hansı əsas faktorları nəzərə alır və bu prosesdə texnologiyanın rolu necə dəyişir?
Sığorta şirkətləri risk qiymətləndirməsində daha əvvəlki statistikalara istinad edərək yeni proqnozların verilməsində müvafiq addımlar atırlar. Beynəlxalq təcrübə və yeni texnologiyalara əsaslanaraq sığorta şirkətləri maliyyə dayanıqlıqlarını daha ön plana çəkirlər. Bununla yanaşı İT sahəsinə nəzarəti gücləndirmək də sığorta şirkətlərinin əsas hədəflərindən biri hesab olunur.
–Müştəri etibarının aşağı olduğu bazarlarda sığorta şirkətləri hansı strategiyalarla bu problemi aradan qaldıra bilər?
-Müştəri etibarının daha da artırılması üçün bir neçə ildir ki “Azərbaycan Respublikasının Mərkəzi Bankı, Azərbaycan Sığortaçılar Assosiasiyası və İcbari Sığorta Bürosu birgə maarifləndirmə istiqamətində mühüm tədbirlər həyata keçirmişdir və keçirməkdədir. İstər televiziya kanallarında, istə radio dalğalarda, istərsə də xəbər portallarında sığorta sahəsini tam əhatə edəcək səviyyədə çıxışlar, paylaşımlar etməkdədir.
Hesab edirəm ki baş vermiş sığorta hadisələri nəticəsində faydalanan şəxslərdən müsahibə alaraq eyni zamanda davamlı şəkildə mediada işıqlandırmaq müsbət nəticə verə bilər. Çünki kütləvi və davamlı şəkildə bu istiqamətdə paylaşılan, təqdim edilən fikirlər insanlarda sığortaya inamı daha da artıracaq. Bundan başqa sığorta şirkətləri maarifləndirmə ilə bağlı təlimləri universitetlərdə də təşkil edərək öz strategiyalarına əlavə etmişdilər
–Sığorta sektorunda fraud (saxtakarlıq) halları ən çox hansı mərhələlərdə baş verir və bunun qarşısını almaq üçün hansı sistemlər effektivdir?
-Bu gün demək olar ki , saxtakarlıq hallarına çox az vaxtlarda rast gəlinir. Çünki bu sektorda fəaliyyət göstərə mütəxəssislər kifayət qədər təcrübəli olurlar. İstər baş vermiş hadisələrdə, istərsə də baş verə biləcək hadisələr üçün mütəxəssislər düzgün mövqe tutaraq, riskləri təhlil edir və yarana biləcək hər hansı bir boşluqlar üçün nəzarəti əllərində saxlayırlar.
Ümumilikdə isə bu sektorta çalışan hər bir əməkdaş öz növbəsində yarana biləcək risklərlə bağlı öz töhvələrini daim verməlidir
–Rəqəmsal transformasiya sığorta məhsullarının dizaynına və satış kanallarına necə təsir edir?
İlk növbədə qeyd etmək istərdim ki , rəqəmsal transformasiya sığorta xidmətlərinin daha əlçətan olması üçün optimal addımdır. Vətəndaşlar fasiləsiz şəkildə bir çox vacib əməliyyatlardan istifadə edərək zaman itikisinin də qarşısını almış olurlar. Mobil tətbiqlər, veb saytlar platformalarında təqdim olunan sığorta növlərinin əldə olunması , informasiya mübadiləsinin təmin edilməsi kimi fürsətlər də satış imkanlarını genişləndirməkdədir. Həmçinin banklardan kredit götürən şəxslər bankdan heç yerə getmədən “Kredit Həyat Sığortası”, həmçinin əmlak və avtomobil üzrə sığorta məhsullarını əldə edə bilirlər. Bu da onu göstərir ki, Sığorta şirkətləri ilə Banklar arasında həyata keçirilən inteqrasiya məsələləri satış imkanlarının sürətləndirilməsi istiqamətində mühüm addımlardan hesab olunur.
Eyni zaman da “Avtonəqliyyat vasitəsi sahiblərinin mülki məsuliyyətinin icbari sığortası”, “Daşınmaz əmlakın icbari sığortası”, “Daşınmaz əmlakın istismarı ilə bağlı mülki məsuliyyətin icbari sığortası”, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortası” kimi icbari sığorta növlərini artıq onlayn platformalardan elektron şəkildə 24 saat ərzində əldə etmək mümkündür. Həmçinin bir çox könüllü sığorta növləri də var ki onların əldə olunması üçün kağız daşıyıcıya ehtiyac yoxdur.
–Türkiyədə sığorta sektorunun rəqəmsallaşma səviyyəsi digər region ölkələri ilə müqayisədə hansı üstünlükləri yaradır?
-Bu gün Türkiyədə sığorta sektorunun rəqəmsallaşma səviyyəsi digər region ölkələri ilə müqayisədə çox inkişaf etmişdir. Elə ölkələr var ki onlarda sığorta sektoru yeni yaradılır və bu sahənin əlifbasını yaratmaq üçün məhs Türkiyə təcrübəsi əsas götürülür. Bu gün Türkiyədə olan rəqəmsallama prosesi sektorun yeni inkişaf mərhələsini sürətləndirməkdədir. Həmçinin Azərbaycanda da Aqrar Sığorta Fondu ilə Tarsim arasında təcrübə mübadilələri davam etməkdədir. Belə ki, Azərbaycanda aqrar sığorta mexanizmi Türkiyənin Tarsim modelinin təcrübəsinə əsaslanır. Dövlət-özəl sektor əməkdaşlığına əsaslanan bu model çox uğurlu bir model olmuşdur. Məhsulların Aqrar Sığorta Fondu ilə özəl sığorta şirkətləri tərəfindən birgə sığortalanması investisiya risklərini azaltmış, fermerlərə dövlət dəstəyini gücləndirmiş, məşğulluğa müsbət təsir edərək, ərzaq təhlükəsizliyinə töhfə verir ki bu da öz növbəsində sığorta bazarını gücləndirməkdədir.
-Bizə zaman ayrıdığınız üçün təşəkkürlər.
-Xoşdur, mən təşəkkür edirəm.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
