Azərbaycanın sığorta bazarında bu ilin yanvar-avqust aylarında 1 milyard 115,395 milyon manat məbləğində sığorta haqqı toplanılıb. Bu göstərici ötən ilin eyni dövrü ilə müqayisədə 6,4% artım deməkdir.
Sığortalı Azərbaycan Azərbaycan Mərkəzi Bankına istinadən xəbər verir ki, hesabat dövründə ölkədə fəaliyyət göstərən 16 sığorta şirkəti tərəfindən 1 milyard 115,395 milyon manat sığorta haqqı toplanılıb.
Sığorta ödənişləri 28,1% artıb
Yanvar-avqust aylarında sığorta şirkətləri tərəfindən həyata keçirilən ödənişlərin ümumi məbləği 773,153 milyon manat təşkil edib.
Ödənişlər ötən ilin eyni dövrü ilə müqayisədə 28,1% artıb.
Beləliklə, sığorta bazarında ödənişlərin artım tempi sığorta haqlarının artımını əhəmiyyətli dərəcədə üstələyib.
Hər 100 manat sığorta haqqının 69,3 manatı ödənilib
Hesabat dövründə sığorta bazarında toplanan hər 100 manat sığorta haqqının 69,3 manatı sığorta ödənişlərinə yönəldilib.
Ötən ilin yanvar-avqust aylarında isə bu göstərici 57,6 manat olub.
Beləliklə, bir il ərzində hər 100 manat sığorta haqqına düşən ödəniş məbləği 11,7 manat artıb.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
