15 C
Baku
Cümə, Noyabr 20, 2026
Ev Sığorta Xəbərləri Bu ilin ilk 10 ayı ərzində DSMF tərəfindən 1 milyon 155 min...

Bu ilin ilk 10 ayı ərzində DSMF tərəfindən 1 milyon 155 min nəfərə müavinət və təqaüd ödənişi həyata keçirilib

0
99

Sığortalı Azərbaycan xəbər verir ki, bu ilin ilk 10 ayı ərzində DSMF müavinət və təqaüd ödənişi sahəsində yüksək göstəricilərə imza atıb. Əmək və Əhalinin Sosial Müdafiəsi Nazirliyinin (ƏƏSMN) tabeliyindəki Dövlət Sosial Müdafiə Fondu (DSMF) tərəfindən yanvar-oktyabr aylarında 1 milyon 155 min şəxsə ümumilikdə 1 milyard 883 milyon manat müavinət və Prezidentin aylıq təqaüdü ödənilib.

ƏƏSMN-dən redaksiyamıza verilən rəsmi məlumata görə, bu ödənişlər əhalinin sosial rifahının dəstəklənməsi istiqamətində davamlı tədbirlərin tərkib hissəsidir.

Ödənişlərin İstiqamətlər Üzrə Bölgüsü

Hesabat dövründə həyata keçirilən 1 milyard 883 milyon manatlıq vəsaitin kateqoriyalar üzrə bölgüsü aşağıdakı kimi olub:

  • Müavinətlər: 526 min nəfərə 1 milyard 57 milyon manat;
  • Prezident təqaüdləri: 408 min nəfərə 677 milyon manat;
  • Sosial sığorta hesabına müavinətlər: 221 min nəfərə 149 milyon manat.

Bildirilib ki, ödənilən vəsait ötən ilin müvafiq dövrünə nisbətən həm müavinətlər, həm də təqaüdlər üzrə 10 faiz, sosial sığorta hesabına müavinətlər üzrə isə 3 faiz çox olub.

Proaktiv E-Təyinatların Sayı 1 Milyona Çatıb

Eyni zamanda, sosial ödənişlərin rəqəmsallaşdırılması və vətəndaş məmnuniyyətinin artırılması istiqamətində işlər davam etdirilir.

Qeyd edilib ki, təkcə bu ilin 10 ayında daha 123 min təyinat elektron qaydada aparılıb. Ümumilikdə isə sosial ödənişlərin elektron təyinatına başlandığı 2019-cu ildən bu günə qədər 1 milyon müavinət və təqaüd təyinatı e-sistem üzərindən proaktiv qaydada həyata keçirilib.

BIR CAVAB BURAXIN

şərhinizi daxil edin!
Buraya adınızı daxil edin