İcbari tibbi sığorta agentliyi işçi axtarır.
Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyi Maliyyə departamentinə Biznes analitik -Maliyyə istiqaməti üzrə- vakansiya elan edib.
İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.
Biz nə təklif edirik:
Gənc və peşəkar kollektivdə çalışmağın üstünlüyü;
Yüksək komanda ruhunda əməkdaşlıq və zəngin təcrübənin qazanılması;
Karyera irəliləyişlərində yaradılan şəraiti;
Rəqabətədavamlı əmək haqqı.
Bizim üçün uyğun namizəd:
Ali təhsilli (Maliyyə, İqtisadiyyat və ya Biznesin idarəolunması sahəsində);
Maliyyə analitikinin işinin reqlamentinə aid olan normativ-sərəncamverici sənədləri bilməli;
Maliyyə hesabatlarının beynəlxalq standardlarının tətbiqi üzrə yüksək biliklərə sahib olmalı;
Malların, işlərin, xidmətlərin və torpaq, tikili və avadanlıqların və qeyri-maddi aktivlərin alışı ilə bağlı baş verən əməliyyatların uçotunu aparmaq və inventarizasiya dair biliklərə sahib olmalı;
Dövlət orqanlarına təqdim etdiyi hesabatlara (vergi, dsmf, statistika) dair yüksək biliklərə sahib olmalı;
Tibbi sığorta, əmək məcəlləsi, mühasibat uçotu, qiymətli kağızlar bazarı barədə qanunvericilik üzrə məlumatlı olmalı;
Proqramlaşdırma məntiqinin olması və proqramlaşdırma texnologiyasını bilməsi üstünlükdür.
ERP proqramların əsas modullarının funksiya və imkanları üzrə bilik və təcrübənin olması üstünlükdür.
Problem həll etmə bacarığının olması;
Microsoft proqramlarında Excel bacarığının yüksək səviyyədə olması.
Görəcəyiniz işlər:
Müəssisənin maliyyə fəaliyyəti barədə məlumatları təhlil etmək, malların və xidmətlərin qiymətləri barədə məlumatları öyrənmək;
İnvestisiya qoyuluşlarının vaxtı, alış və satış əməliyyatları barədə tövsiyyələr vermək;
Müəssisənin siyasətinə uyğun olaraq investisiya alışını həyata keçirmək;
Gələcək gəlirlər və xərclərin hesablanması üçün müəssisənin fəaliyyəti barədə sistematik təhlil aparmaq, bazarda müvafiq malların və xidmətlərin vəziyyətini təhlil etmək;
Maliyyə hesabatlarının tərtib edilməsi və maliyyə göstəricilərinin hesablanması üçün zəruri olan informasiyanı toplamaq və təhlil etmək;
Maliyyə hesabatlarını hazırlamaq, şirkətin maliyyə fəaliyyətinə dair riyazi və statistik diaqram və qrafiklərin şəkillərini tərtib etmək;
Müvafiq mal, iş və xidmətlər bazarının maliyyə tədqiqini aparmaq;
Müəssisə tərəfindən həyata keçirilən bütün təsərrüfat əməliyyatlarının mühasibat uçotu hesabında düzgün əks etdirilməsinin təmin etmək;
Dövlət büdcəsinə hesabatların göndərilməsini həyata keçirmək (Vergi, DSMF, Statistika);
İlkin mühasibat sənədlərinin, hesablaşmaların, ödəniş öhdəliklərinin əmək haqqının hesablanmasına, kadr sənədlərinin, daxili və xarici müqavilələrin hazırlanmasına nəzarəti icra etmək,
Əsas vəsaitlərin uçotunun aparılması və amortizasiya hesablanmasını həyata keçirmək.
Əlavə məlumatlar:
İş qrafiki: Bazar ertəsi – Cümə, 5 günlük iş həftəsi;
İş vaxtı: 09:00 – 18:00.
Müraciət qaydası:
Vakansiyaya son müraciət tarixi: 07.05.2022-ci il;
CV-lər cv@its.gov.az ünvanına göndərilməlidir .
Müraciət etdiyiniz vəzifənin adı “mövzu” bölməsində qeyd edilməldir;
Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
