Sığortalı Azərbaycan xəbər verir ki, “AM Best” beynəlxalq reytinq agentliyi bazar payına görə ölkənin qeyri-həyat sığorta sektorunun lideri olan “PAŞA Sığorta” ASC-nin emitentin uzunmüddətli kredit reytinqini “BBB” , maliyyə dayanıqlılığı reytinqini “B++” səviyyəsinə yüksəldib. Reytinq üzrə proqnozu isə “Sabit” səviyyəsində təsdiqləyib.
Maliyyə sabitliyi reytinqi özündə sığortaçının maliyyə sabitliyini və gələcəkdə yaranacaq sığorta öhdəliklərinin icra edilməsi qabiliyyətini əks etdirən müstəqil rəydir. Hazırkı reytinq “PAŞA Sığorta”nın kifayət qədər maliyyə dayanıqlılığına və sığorta öhdəliklərinin qarşılanması qabiliyyətinə malik olmasını göstərir. Həmçinin şirkətin maliyyə risklərinin daha güclü idarə olunması və kapitalın dayanıqlılığı ilə bağlı müsbət dəyişiklikləri əks etdirir.
“AM Best” agentliyinin açıqlamasında bildirilir ki, “PAŞA Sığorta” 2024-cü ildə Azərbaycanın qeyri-həyat sığorta bazarında lider mövqeyə malikdir. Son illərdə şirkət daxili və xarici resurslar hesabına idarəetməni və risklərin idarə olunması çərçivəsini təkmilləşdirmək istiqamətində addımlar atıb. Şirkətin ERM (Enterprise Risk Management) səviyyəsi onun risk profilinə uyğun hesab olunur.
“PAŞA Sığorta” 2024-cü ildə 87,5% xalis/xalis məcmu əməliyyat nisbəti və 43,8% kapital gəlirliliyi (2023-cü ildə müvafiq olaraq 87,6% və 40,2%) ilə yüksək göstəricili əməliyyat nəticələri nümayiş etdirmişdir. Eyni zamanda, investisiya gəlirliliyi 2024-cü ildə 8,8% təşkil edərək (2023: 7,9%) ümumi mənfəətə müsbət təsir göstərmişdir.
Əsası 1899-cu ildə ABŞ-da qoyulmuş “AM Best” reytinq agentliyi məhz sığorta sektorunda ixtisaslaşıb və hazırda bu sektorda fəaliyyət göstərən ən nüfuzlu agentlik hesab olunur.
“PAŞA Qrup”a daxil olan “PAŞA Sığorta” 2006-cı ildən fəaliyyət göstərir. Şirkət 700 000-ə yaxın korporativ və fərdi müştərisinə 36 növ könüllü və icbari sığorta üzrə xidmət təqdim edir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
