Sığortalı Azərbaycan xəbər verir ki, Azərbaycanda dövlət dəstəyi ilə təqdim edilən aqrar sığorta mexanizmi barədə fermerlərin məlumatlandırılması davam edir. Aqrar Sığorta Fondunun Naxçıvan filialının nümayəndələri Ordubad rayonunda olaraq aqrar sığortanın üstünlükləri barədə fermerlərə məlumat veriblər.
Ordubad rayon İcra Hakimiyyətinin və Culfa regional DAİM-in təşkilatçılığı ilə Ordubadın Sabirdizə kənd icra nümayəndəliyi “Müasir suvarma sisteminin tətbiqi” mövzusunda tədbir keçirilib.
Tədbirdə Aqrar Sığorta Fondunun Naxçıvan filialının rəhbəri Sərxan Quliyev də iştirak edərək aqrar sığorta mexanizmi, onun əhatə etdiyi hadisələr və məhsullar barədə geniş məlumat verib.
Fermerlərə bildirilib ki, Aqrar Sığorta Fondu hazırda 41 növ bitki növünü sığorta edir. Buraya taxıl, qarğıdalı, çəltik və sair tarla bitkiləri ilə yanaşı, meyvə bağları, texniki bitki əkinləri, bostan və tərəvəz bitkiləri aiddir.
Dövlətin dəstəyi nəticəsində fermerlər sığorta haqqının yalnız yarısını ödəyirlər. Qalan hissəni isə fermerə dəstək məqsədilə dövlət özü ödəyir.
Aqrar sığorta əkin sahələrini dolu, fırtına-qasırğa, sel və subasma, yanğın, şaxtavurma, leysan yağışları, normadan artıq qar yağışları, vəhşi heyvanların və quşların hücumu, digər şəxslərin hərəkətlərindən qoruyur.
Qeyd edək ki, daha ətraflı məlumatı Aqrar Sığorta Fondunun filialları və 1651 Çağrı mərkəzindən almaq olar.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
