Şəhid övladları üçün təşkil olunan “Məzun Günü” tədbirinə dəstək göstərilib
Sığortalı Azərbaycan xəbər verir ki, “PAŞA Sığorta” korporativ sosial məsuliyyət strategiyası çərçivəsində Vətən müharibəsi şəhidlərinin övladları üçün təşkil olunan “Məzun Günü” tədbirinə dəstək göstərib.
“Zəfər” Şəhid Ailələrinə Dəstək İctimai Birliyi tərəfindən həyata keçirilən təşəbbüs orta məktəbi uğurla başa vuran şəhid övladlarını bir araya gətirərək onların həyatında əlamətdar və yaddaqalan bir gün yaşatmaq məqsədi daşıyıb.
Tədbir çərçivəsində iştirakçılar üçün xüsusi proqram təşkil olunub, məzunların əldə etdikləri nailiyyətlər qeyd edilib və onların gələcək təhsil və karyera həyatında yeni mərhələyə qədəm qoymaları münasibətilə xoş arzular səsləndirilib.
Mərasim zamanı şəhid övladlarının çıxışları iştirakçılar tərəfindən böyük maraq və rəğbətlə qarşılanıb.
Gənclərə mənəvi dəstək və motivasiya
Səmimi və yüksək əhval-ruhiyyədə keçən tədbirin əsas məqsədi şəhid ailələri ilə birlikdə bu əlamətdar günü qeyd etmək, məzun olan gənclərin sevincinə şərik olmaq və onlara mənəvi dəstək göstərmək olub.
Tədbir iştirakçıları üçün yaradılan xüsusi atmosfer gənclərin gələcək həyat və təhsil mərhələsinə daha böyük motivasiya ilə başlamalarına töhfə verib.
Sosial layihələrə dəstək davam edir
“PAŞA Sığorta”dan bildirilib ki, şirkət cəmiyyət üçün dəyər yaradan sosial layihələrin həyata keçirilməsinə xüsusi önəm verir və gənc nəslin inkişafına töhfə göstərməyi öz fəaliyyətinin prioritet istiqamətlərindən biri hesab edir.
Şirkət ötən illərdə olduğu kimi, bundan sonra da sosial həssas qruplara yönəlmiş layihə və təşəbbüslərdə fəal iştirakını davam etdirəcək.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi
