PAŞA Sığorta müxtəlif avtomobil sığortası hadisələri üzrə müştərilərinə ümumilikdə 74 860 manat məbləğində ödəniş həyata keçirib. Şirkətin ödədiyi sığorta haqları üç fərqli hadisə nəticəsində yaranan zərərlərin qarşılanmasına yönəlib.
SığortalıAzərbaycan xəbər verir ki, hadisələrdən biri sürücünün idarəetməni itirməsi nəticəsində baş verib. Belə ki, avtomobil daş hasara və daha sonra digər nəqliyyat vasitəsinə çırpılıb. Nəticədə sığortalı avtomobilə 32 min manat zərər dəyib və bu hadisə üzrə 32 000 manat sığorta ödənişi həyata keçirilib.
Avtomobilin yanması üzrə 22 min manat ödənilib
Digər sığorta hadisəsində avtomobil hərəkətdə olarkən qəfil alovlanıb. Yanğın nəticəsində nəqliyyat vasitəsi tam yararsız vəziyyətə düşüb.
Hadisə üzrə avtomobil sahibinə 22 355 manat məbləğində sığorta ödənişi verilib.
Qarşı tərəfin törətdiyi qəza üzrə də ödəniş edilib
Üçüncü hadisədə isə qəzanın baş verməsinə sığortalı avtomobilin sürücüsü deyil, qarşı tərəf səbəb olub. Qəza nəticəsində sığortalı nəqliyyat vasitəsinə 20 505 manat məbləğində zərər dəyib.
Beləliklə, üç hadisə üzrə həyata keçirilən ödənişlərin ümumi məbləği 74 860 manata çatıb.
Sığorta hadisələri KASKO-nun əhəmiyyətini göstərir
Baş verən hadisələr avtomobil sahiblərinin üzləşə biləcəyi risklərin yalnız sürücünün davranışı ilə məhdudlaşmadığını göstərir. Qəzanın digər sürücünün səhvi nəticəsində baş verməsi, avtomobilin yanması və ya müxtəlif xarici amillərin zərər yaratması nəqliyyat vasitəsi sahibləri üçün ciddi maliyyə itkisinə səbəb ola bilər.
İcbari avtomobil sığortası üzrə mövcud təminat limiti bəzi hallarda yaranan real zərərin tam qarşılanması üçün kifayət etməyə bilər. Bu səbəbdən avtomobil sahiblərinin əlavə təminat imkanlarını, o cümlədən KASKO sığortasını nəzərdən keçirməsi tövsiyə olunur.
KASKO üçün onlayn müraciət etmək mümkündür
“PAŞA Sığorta” KASKO sığortası ilə bağlı müraciətlərin onlayn şəkildə həyata keçirilməsinə imkan yaradır. Müştərilər şirkətin rəsmi veb-saytı üzərindən formanı dolduraraq və ya rəsmi Instagram səhifəsi vasitəsilə müraciət edə bilərlər.
KASKO sığortası avtomobil sahibini qəza, yanğın və digər sığorta riskləri nəticəsində yarana biləcək yüksək maliyyə itkilərindən qorumaq baxımından əlavə təminat yaradır.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
