Əmlak sığortası üzrə sığorta haqları 2026-cı ilin yanvar-avqust aylarında ötən ilin eyni dövrü ilə müqayisədə 21,9 % artaraq 196,578 milyon manata çatıb.
Sığortalı Azərbaycan xəbər verir ki, Azərbaycan Mərkəzi Bankının (AMB) açıqladığı statistikaya əsasən, hesabat dövründə əmlak sığortası üzrə ödənişlərin həcmi də artıb.
Belə ki, cari ilin ilk 8 ayında əmlak sığortası üzrə 32,163 milyon manat ödəniş həyata keçirilib. Bu, 2025-ci ilin eyni dövrü ilə müqayisədə 16,5 % çoxdur.
Hesabat dövründə əmlak sığortası üzrə toplanan hər 100 manat sığorta haqqının 16,4 manatı ödəniş edilib. Ötən ilin eyni dövründə bu göstərici 17,1 manat təşkil edib.
Ümumilikdə, 2026-cı ilin yanvar-avqust aylarında Azərbaycanda fəaliyyət göstərən 16 sığorta şirkəti tərəfindən 1 milyard 115,395 milyon manat sığorta haqqı toplanılıb. Bu, illik müqayisədə 6,4 % artım deməkdir.
Eyni zamanda, sığorta şirkətlərinin həyata keçirdikləri ödənişlərin həcmi 773,153 milyon manata yüksəlib. Bu göstərici ötən ilin müvafiq dövrü ilə müqayisədə 28,1 % çoxdur.
Sığorta bazarı üzrə toplanmış hər 100 manat sığorta haqqının 69,3 manatı ödənişlərə yönəldilib. 2025-ci ilin ilk 8 ayında bu göstərici 57,6 manat olub.
Müəllif Hüquqları
Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında məlumatlar təqdim olunur.
