ANA OLMAĞA NAMİZƏD QADINLAR ARTIQ DOĞUŞA SIĞORTASIZ GETMİR

0
594
ANA OLMAĞA NAMİZƏD QADINLAR ARTIQ DOĞUŞA SIĞORTASIZ GETMİR
ANA OLMAĞA NAMİZƏD QADINLAR ARTIQ DOĞUŞA SIĞORTASIZ GETMİR

Sığorta şirkətləri, gələcək anaların həyatlarının ən vacib dövründə onları tək buraxmamaq üçün hərəkətə keçdi. Şirkətlər hamilə qalmazdan əvvəl 6 və 12 aylıq gözləmə müddəti şərtinin olmadığı məhsulları istifadəyə verərək, təminatları da zənginləşdirdilər. İnkişaf etdirilən müxtəlif məhsul və xidmət çeşidliliyi sayəsində hamiləlik sığortalarına olan tələb də artdı.

Hamiləlik gələcək valideynlər üçün həyəcanverici bir prosesdir. Bu prosesi mümkün qədər sağlam şəkildə keçirmək hər şeydən vacibdir. Həm ananın, həm də körpənin sağlamlığını yaxından izləməklə keçirilən, yaxşı və ya pis bir çox sürprizlə qarşılaşılan doqquz aylıq dövrdə təhlükəsizlik və güvən altında olmağın böyük əhəmiyyəti var. Hamiləlik dövründə artan ehtiyac və tələbləri gözardı etməyən sığorta şirkətləri, vacib yeniliklər və daha güclü zəmanətlər vermək üçün hərəkətə keçdilər. Hamiləlikdən əvvəl 6\12 aylıq gözləmə müddəti tələb etməyən sığorta məhsulları istifadəyə verildi. Bundan əlavə, zəmanətlər zənginləşdirildi. Yeni doğulmuş körpələr üçün xüsusi hüquqların təklif olunduğu sığorta pektlərində diş müalicəsi kimi xüsusi imtiyazlar da təqdim olunur. Sektor nümayəndələri məhsul və xidmət növlərinin artması səbəbindən hamiləlik sığortalarına tələbin ən yüksək səviyyədə olduğunu deyirər.

 “Groupama” Marketinq, Korporativ Əlaqə və Müştəri Xidmətləri üzrə Baş direktor köməkçisi Frederikü Queqan Tayar: Gələcəkdə fərqli gözləntiləri gündəmə çıxara bilərik

Yalnız analara verilən müavinətlərin bir-birini tamamlayan və ya özəl tibbi sığorta şərtləri daxilində olduğunu ifadə edən “Groupama” Marketinq, Korporativ Əlaqə və Müştəri Xidmətləri üzrə direktor müavini Frederikü Queqan Tayar “Groupama Sığorta” olaraq, çox geniş bir analıq təminatı təqdim etdiyini söyləyir:

“Bu təminat faktiki tibbi sığorta məhsullarımızın hamısında mövcuddur” deyən Tayar izah edir:

“Analıq təminatının əhatə dairəsinə mütəmadi hamiləlik yoxlanışları, müayinələr və doğuş xərcləri daxildir. Təminat limitləri məhsullarımıza görə dəyişsə də, bəzi müqaviləli xəstəxanalarda da keçərli olan limitsiz planlarımız da var. Razılaşmamızın olmadığı qurumlarda, xəstəxanalarda isə ölkə daxilində və ya xaricində müəyyən şərtlər yerinə yetirilərsə, qiymətləndirmədən sonra ödəniş edilə bilər”.

“Groupama Sığorta” olaraq, bu mövzuda hər zaman bir inkişafda olduqlarını vurğulayan Tayar ehtiyac və tələblərə uyğun alternativ həll yolları axtardıqlarını açıqlayır. Tayar “Gələcəkdə tələb və ehtiyaclara uyğun olaraq, fərqli gözləntiləri gündəmə çıxara bilərik” deyir.

Xüsusilə ailə paketlərində analıq təminatının tələb olunduğunu qeyd edən Tayar sözlərini davam etdirir: “Hətta bəzən müştərilərimiz yalnız bu təminat üçün tibbi sığorta paketi alır. Doğum təminatlarımız bir illik gözləmə müddəti ilə təklif olunur. Beləliklə, sığortalılarımız məqbul dərəcədə ödəniş ala bilirlər. Gözləmə müddətinin qısaldılması və ya tamamilə aradan qaldırılması tələb olunduqda ödəniş artacağı məsələsi danışılır. Bəzi hallarda ambulator müalicədən imtina olunsa da, müştərilərimiz mütləq reproduktiv yaşda analıq təminatını almağa üstünlük verirlər”.

SOMPO SIĞORTA

Gözləmə vaxtı olmayan  sığorta paketlərində fərqli variantlar təklif olunur

“Sompo Sığorta” da Tamamlayıcı Tibbi Doğuş Sığortası xidməti ilə gözləmə müddətinə son verən sığorta şirkətlərindən biridir. “Sompo”nun gözləmə müddətini ortadan qaldıran Tamamlayıcı Tibbi Doğuş Sığortası doğuşdan əvvəl də müqaviləli razılaşması olan xəstəxanalarda istifadə imkanını verir.

Türkiyədə yaşayan Türkiyə Respublikası vətəndaşları, SGK tərəfindən təminat altına alınan 18-56 yaşarası hər kəs “Sompo Sığorta” Tamamlayıcı Tibbi Doğuş Sığortasına sahib ola bilər. Doğuş paketində “Doğuş”, “Hamiləliyin mütəmadi müayinəsi və doğuş” olmaq üzrə,  2 seçim planı təklif olunur. Hər bir plan qeysəriyyə, epidurial və normal doğuş kimi 8 fərqli doğuş alternativlərini əhatə edir. Ana olmağa hazırlaşan hamilə qadın buradakı variantlardan ehtiyaclarına uyğun olanı seçərək sığorta paketi ala bilir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

BIR CAVAB BURAXIN

şərhinizi daxil edin!
Buraya adınızı daxil edin