24 C
Baku
Cümə axşamı, İyul 29, 2021

Kriptovalyuta ları sığorta sektoru xilas edəcək

Bit coin “Sığorta ekranı”nda kriptovalyuta küləyi əsdi. Sektorun rabitə kanalı olan “Sığorta Ekranı” fərqli mövzular və qonaqlar ilə yayım həyatını davam etdirir. Bu dəfə son zamanlar Türkiyədə əsl gündəm olan kriptovalyuta məsələsi müzakirə edildi.

“SığortaMedia”nın Baş direktoru Can Kantarın qonağı olan Kriptovalyuta və Texniki Analiz Mütəxəssisi, Koinvizyon qurucusu Eylem Cülcüloğlu kriptovalyutalarla bağlı sualları səmimi olaraq cavablandırdı. Anında minə yaxın izləyicini cəlb edən və baxış sayı 5 minə yaxınlaşan proqramda Cülcüloğlu “Kriptovalyutaları sığorta sektoru xilas edəcək” dedi.

2140-cı ildən sonra bit coin istehsal olunmayacaq

Kriptopulun 2009-cu ildə dünya gündəminə gəldiyini ifadə edən Cülcüloğlu “Satoshi Nakamoto tərəfindən yaradılmışdır. 2011-ci ildən bəri istifadə olunur. “Blokçeyn” adlandırdığımız, tamamilə şifrələnmiş və qeyri-mütəşəkkil bir təsdiq mexanizmidir bu. Yəni bu sistemlə yaradılmış puldur. Normal puldan çox fərqlidir. Normal pul yeni pulun davamlı istehsalına əsaslanan bir sistemdir. Pul davamlı olaraq çap olunur və pulun dəyəri düşür. Təklif artdıqca dəyər azalır. Kriptovalyutalar bunun tam əksidir. Davamlı azalma (Hodl) üzərində qurulmuş bir sistemə sahibdir.

Bir neçə il ərzində tədarük 2 dəfə azalır. Son hodl 2140-cı ildə olacaq. Başqa sözlə, 2140-cı ildən sonra bit coin istehsal olunmayacaq. Bit coin in normal puldan ən böyük fərqi məhdud olmasıdır. Kriptovalyuta ların davamlı qiymətləndirməyə əsaslanan bir sistemi var. Kriptovalyutaların hər zaman mövcud olacağına inanırsınızsa, onların dəyəri sonsuzdur. Çünki davamlı olaraq mövcud olacaqsa, davamlı olaraq da dəyər qazanacaq” deyən Cülcüloğlu bunları söylədi:

Qiyməti endirməyə başlayan Türkiyə oldu

“ABŞ və Cənubi Koreya kimi ölkələrdə kriptovalyutalarla bağlı tənzimləmə var, Türkiyədə isə yox. Əslində kriptopulun tanınması üçün tənzimləmə lazımdır. Ən əsası Türkiyədə yaşanan üzücü hadisələrin bir daha təkrarlanmaması üçün kripto mübadilələrinə nəzarət edilməlidir. Məsələn, indi hər istəyən kəs bir kripto mübadiləsi aça bilir. Bu insanlar pulu yığıb getsələr, heç kim heç nə edə bilməz. Kriptopulda tətbiq ediləcək tənzimləmə tamamilə istehlakçı xeyrinə olmalıdır. Bu nöqtədə Türkiyə kriptovalyutalara vergi və tənzimləmə mövzusunda çox diqqətli olmalıdır. Çünki Türkiyə kriptovalyuta üzrə dünya dördüncüsüdür. Türkiyə kripto investorunu nəzərə alaraq bir açıqlama verməlidir. Məsələn, son qiymət enişi Türkiyənin kriptovalyuta ödəmələrini qadağan edəcəyini elan etməsindən sonra başladı. Kriptopullarda qiymət enməsinə səbəb Türkiyə oldu. Pis xəbərlərin yayılması ilə qiymət hələ də təzyiq altındadır. İnsanların çoxu “zərərə uğrayaram” düşüncəsi ilə sistemdən ayrıldı.”

Sığortaçıların kriptovalyutalara marağı artdı

Cülcüloğlu “Kriptovalyutaların sığortası xaricdə edilir. Risk yüksək olduğundan, mükafat ödənişi 5 %-ə qədər çıxa bilər. Bu, yeni bir tendensiyadır. Sığorta sənayesində blokçeyn istifadəsi də var. Müqavilənin ödənişindən tutmuş hətta sığorta paketinin təsdiq mexanizmi də blokçeyn zənciri üzərində qurula bilər. Məsələn, bütün tramer qeydlərini blok zəncirində saxlayırsınızsa, bu, heç bir şəkildə dəyişdirilə bilməz. Sığorta şirkətlərinin kriptovalyutaya getdikcə daha çox maraq göstərdiyini öyrənirik. Bu cür hesabatlar hər zaman gəlir. Təkrarsığorta şirkətləri çox ciddi pullar yığırlar. Sığorta şirkətləri də onlara investisiya yatırır. Fondlar alınır, qızıl valyuta investisiyaları qoyulur, dövlət istiqrazları alırlar. Sığorta şirkətlərində milyardlarla dollar pul var. Aktivlərinin yalnız 10 faizini kriptovalyutaya yatırsaydılar, bit coin qiyməti 1 milyon dollara yüksələcəkdi. İndi bu dönəm başladı” dedi.

“Düşünürəm ki, sığorta şirkətləri bit coin və kriptovalyutaların gələcəyində çox əhəmiyyətli bir sektordur” deyən Cülcüloğlu “Bəlkə də sığorta sektoru kriptovalyutalar üçün ən vacib sektordur. Kriptovalyutaları sığorta sektoru xilas edəcək” deyə bildirdi.

“Al-sat” əvəzinə “al-unut”

Cülcüloğlu “Artan yox, düşən bir investisiya alətinə investisiya qoymaq lazımdır. Sığorta baxımından ən riskli hərəkət qiymət yuxarı olduqda almaqdır. Daha aşağı qiymətə almaq daha az risklidir. Ayrıca bütün qalığı kriptopula qoymaq da düzgün deyil. 10 % balansla başlamaq lazımdır. Hər düşüşdə 10 % daha alınsın. Bu şəkildə risk azaldılsın. Kriptopul yatırımına ehtiyac olmayan pulla daxil olunsun. İki ay sonra lazım olacaq pulla kriptovalyutaya investisiya qoymaq səhvdir. Uzunmüddətli düşünün.

Əvvəl-axır kriptovalyutalar yüksələcək. İnvestor bu şəkildə düşünərsə, qarşısında böyük bir fürsət var. İnsanlara “al-sat” yerinə “al-unut”u  məsləhət görürəm” dedi.

Kriptovalyutalar böhranları sevir

Kriptovalyutaların qiymətlərinin böhran dövründə artdığını ifadə edən Cülcüloğlu “Dünyanı 1930-cu illərdəki kimi böyük bir iqtisadi böhran gözləyir. Amerika fond bazarları inanılmaz dərəcədə şişib. Amerika fond bazarlarında piramida sxemi pozulacaq və bununla dünyada iqtisadi böhran başlayacaq. Bu dövrdə kriptovalyutaların daha qiymətli olacağını, bahalaşacağını düşünürəm.

Çünki kriptovalyutalar hər böhran dövründə yüksəldi. Bit coin böhranları sevir. Müharibə dövründə qızılın dəyəri artdığı kimi, bit coin a da “böhran dövrlərinin qızılı” deyilir.

Elon Musk a qarşı “Troya atı” ittihamı

Dünyanın ən varlı adamı Elon Maskı kriptovalyutalara xələl gətirməkdə günahlandıran Cülcüloğlu  “Elon Musk bu bazara çox böyük zərər verdi. Mənə görə Elon Mask bit coin bazarının “Troya atı”dır. Mask anti-kripto tərəfdarı olan adamdır. Onun kimi manipulyatorların bit coin bazarından çıxarılması lazımdır. İnsanlar bu cür insanların sözləri ilə hərəkət etməsələr, bu, baş verəcək. Bitkoyn Elon Musk dan daha böyükdür. Nə bir insan, nə də bir dövlət bit coin i yenə bilməz” dedi.

Kriptovalyutanın özü xüsusi bir təqaüddür

Cülcüloğlu “İki yerdə böyük miqyaslı hodl pulu var. Sığortada və fərdi pensiyada. Hər halda mənim üçün kriptopulun özü xüsusi bir təqaüddür. İndi hər ay fərdi bir pensiya mükafatı ödəyən kimi hər ay kriptovalyutalar alırsınızsa, bu, sizin sığortanız olar. Başqa heç bir sığorta paketi kriptopul qədər qazandırıcı ola bilməz” dedi.

Kriptovalyuta alarkən nələrə diqqət yetirilməlidir?

Cülcüloğlu kriptopula sərmayə qoyacaq şəxslərin nələrə diqqət etmələri barədə də bunları söylədi:

“Kriptopul alarkən investor layihəyə baxmalıdır. Güclü tərəfdaşları varmı? Öz blok zənciri varmı? Doğrudan da bir texnologiyası varmı? Bunlara baxacaqsınız. Yalnız tanınmış layihələrə investisiya qoyun.”

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Related Articles

BIR CAVAB BURAXIN

şərhinizi daxil edin!
Buraya adınızı daxil edin

ƏN SON XƏBƏRLƏR