Aqrar Sığorta Fondu: “Sığorta üçün dəqiq məlumatlar verin”

0
1176
Aqrar Sığorta Fondu
Aqrar Sığorta Fondu

Bəzi fermerlər az sığorta haqqı ödəmək üçün gəlirin məbləğini aşağı göstərməyə cəhd edir

Aqrar Sığorta Fondu ölkədəki fermerlərə və aqrar sahədə fəaliyyət göstərən iş adamlarına müraciət edib. 

Fond fermerləri və sahibkarları təsərrüfatlarını sığorta edərkən məhsuldarlıq, qiymət, eləcə də əldə ediləcək gəlir gözləntiləri ilə bağlı fonda dəqiq məlumatlar verməyə çağırıb.

Fond bildirir ki, təsərrüfatlar, xüsusilə də əkin sahələri sığortalanarkən fermerlərin tədim etdiyi məlumatlar – məhsuldarlıq, məhsulun qiyməti və əldə ediləcək (gözlənilən) ümumi gəlir əsas götürülür. Fermerin ödəyəcəyi sığorta haqqı da həmin məbləğə əsasən hesablanır. 

Bununla yanaşı, fermer və sahibkarlar nəzərə almalıdırlar ki, gələcəkdə sığorta hadisəsi baş verərsə, sığorta ödənişinin hesabalanması zamanı da fermerin müqavilədə göstərdiyi məbləğlər əsas götürüləcək.

“Bəzi fermerlər təsərrüfatlarını sığorta edərkən daha aşağı sığorta haqqı ödəmək məqsədilə əkin sahəsindən məhsuldarlığı və gözlədiyi gəlirin məbləğini daha aşağı göstərməyə cəhd edirlər.

Sığorta müqaviləsi bu rəqəmlər əsasında imzalana bilər. Amma hadisə baş verərkən sığorta ödənişi hesablananda da bu rəqəmlər nəzərə alınacaq və onda ödənişin məbləği də reallıqdan daha aşağı ola bilər”, – deyə fonddan bildirilib.

Fond fermerləri bu məqamı nəzərə almağa və sığortalanan zaman daha real məlumatlar təqdim etməyə çağırır:

“Aqrar sığorta  – dövlətin kənd təsərrüfatı və bu sahədə çalışan fermer və sahibkarlara dəstək üçün yaratdığı mühüm mexanizmidir. Sığortanın məqsədi fermerlərin təsərrüfatlarını və gəlirlərini qorumaq, hadisə baş verərsə onların zərərini ödəyərək davamlı fəaliyyətlərinə dəstək olmaqdır. Bunun üçün isə fermerləri fonda dəqiq məlumatlar verməyə dəvət edirik”.

Xatırladaq ki, Azərbaycanda aqrar sığorta mexanizmi 2020-ci ilin noyabrından fəaliyyətə başlayıb. Aqrar sığorta vasitəsilə 14 növ bitki, südlük inəklər və balıqçılıq təsərrüfatları sığortalanır. İndiyədək Aqrar Sığorta Fondu tərəfindən ölkə üzrə 13 min hektar əkin sahəsi və 2500-dən artıq iribuynuzlu mal-qara sığortalanıb. 2021-ci ilin iyun ayından etibarən aqrar sığorta üzrə sığorta ödənişlərinə də başlanılıb. 

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Zorunlu olarak yapılması gereken sigorta çeşitleri ve genel sigortacılık faaliyetleri ile ilgili olarak bilgi almak için sitemizi ziyaret edebilirsiniz. Her geçen gün daha bilinçli bir toplum hale gelebilmek için gelişmişliğin göstergesi olan konularda adım atmaktayız. Sigorta hizmetlerinin ne kadar önemli bir yere sahip olduğunu anlatabilmek için en güncel bilgilere ve haberlere yer vermekteyiz. Sizler de alım yapabileceğiniz sigorta türleri ve detayları hakkında bilgi alabilmek için hızla bizleri ziyaret edebilirsiniz. Bireysel ve kurumsal sigorta ihtiyaçlarınızı karşılarken aklınıza takılan her türlü sorunuzun yanıtını hemen alabilirsiniz. Bireysel emeklilik ve hayat sigortası konularında sizleri bekleyen tüm detaylı bilgileri bizler sayesinde elde etmeniz mümkün olacaktır. –

BIR CAVAB BURAXIN

şərhinizi daxil edin!
Buraya adınızı daxil edin