Əmlaklarını sığorta etdirməyənlər cərimələnəcək?

0
706
əmlak
əmlak

Azərbaycanda əmlakını sığorta etdirməyən şəxslər cərimələnəcək!

Sığortalı Azərbaycan xəbər verir ki, Azərbaycan Sığortaçılar Assosiasiyası son vaxtlar ölkənin müxtəlif ərazilərində qeydə alınan, silsilə yanğın hadisələri ilə əlaqədar vətəndaşlara və sahibkarlara müraciət edib.

Müraciətdə qeyd olunur ki, baş verən hadisələr nəticələrində zərərçəkənlərin daşınmaz əmlak sığortalarının olmadığı müəyyən edilib. Bildirilib ki, daşınmaz əmlak sığortası icbaridir, qanunvericiliklə tənzimlənir, hər bir sahibkar və vətəndaş üçün məcburidir.

Bu barədə Azərbaycan Sığortaçılar Assosiasiyasının icraçı direktoru Elmar Mirsalayev məlumat verib:

“Bu məsələ ilə əlaqədar olaraq, cərimə mexanizmi nəzərdə tutulub. İzibati xətalar məcəlləsində rəqəmlər qeyd olunub. Fiziki şəxslərə, 30, vəzifəli şəxslərə 80, hüquqi şəxslərə isə 200 manatadək cərimlər nəzərdə tutulub”.

Daşınmaz əmlakın aşağıdakı hallar nəticəsində zədələnməsi, məhv olması, yaxud hər hansı digər formada itkisi sığorta hadisəsi hesab olunur:

1. yanğın, ildırım düşməsi;

2. məişətdə və istehsalatda istifadə olunan qazın partlayışı;

3. elektrik naqillərində baş verən qısa qapanma;

4. buxar qazanlarının, qaz anbarlarının, qaz kəmərlərinin, maşınların, aparatların və digər oxşar qurğuların və ya cihazların partlayışı;

5. su, istilik, kanalizasiya kəmərlərinin və yanğınsöndürmə sistemlərinin qəzası, habelə qonşu tikililərdən, yaşayış və qeyri-yaşayış sahələrindən, yaşayış evlərindən və binalarından, mənzillərdən, otaqlardan daxil olan su nəticəsində subasma;

6. hər hansı predmetin və ya onun hissələrinin düşməsi, atılması, dəyməsi, dağılması, axıdılması və digər bu kimi formalarda təsiri;

7. yerüstü nəqliyyat vasitəsinin dəyməsi;

8. təbii fəlakətlər – zəlzələ, vulkan, fırtına, qasırğa, tufan, dolu, sel, daşqın, leysan, yer sürüşməsi;

9. üçüncü şəxslərin hərəkətləri.

Qeyd edək ki, Daşınmaz əmlakın icbari sığortası haqda qanun 2020-ci ildən etibarən qəbul olunub.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz –

BIR CAVAB BURAXIN

şərhinizi daxil edin!
Buraya adınızı daxil edin