Sığorta şirkətlərinin rəhbərləri kimlərdir?

0
1398
Sığorta şirkətlərinin rəhbərləri
Sığorta şirkətlərinin rəhbərləri

Azərbaycan ərazisində bir çox sığorta şirkəti fəaliyyət göstərir.

Bəs daim fərqli kampaniyaları ilə gündəmdə olan bu sığorta şirkətlərinin rəhbərləri kimdir?

Sığortalı Azerbaycan ölkənin qabaqcıl sığorta şirkətlərinin rəhbərlərini təqdim edir:

“Atəşgah sığorta”-nın idarə heyətinin sədri isə Azər Allahverdioğlu Əliyevdir.

Fransa Neft İnstitutu (IFP Məktəbi  Rueil-Malmaison, Fransa) və Moskva Dövlət Hüquq Akademiyasının (Rusiya Federasiyası) magistrıdır.

Əliyev, Peşəkar fəaliyyətinə Azərbaycan Respublikası Dövlət Neft Şirkətinin (ARDNŞ) Xarici Sərmayələr İdarəsində başlamış, daha sonra TEXACO və TOTAL neft şirkətlərində aparıcı vəzifələr tutmuşdur. 2006-2008-ci ilərdə Qafqaz Sığorta Şirkətinin (SŞ) İcraçı Direktoru olmuşdur. 2008- ci ildə “Atəşgah” SŞ İdarə Heyətinin Sədri təyin olunmuşdur.

2010-2013-cü illərdə Azərbaycan Sığortaçılar Assosiasiyasının Sədri seçilməklə, sığorta şirkətləri adından Sığorta Strategiyasının inkişafı ilə bağlı bu sahəyə ciddi töhvələr vermişdir. Eyni zamanda “Atəşgah” SŞ İdarə Heyəti Sədrinin müşaviri kimi çalışmış və ”Atəşgah Həyat” SŞ  Direktorlar Şurasının üzvü seçilmişdir.

2017-ci ilin oktyabrından “Atəşgah”  SŞ  Direktorlar Şurasının qərarına əsasən, ”Atəşgah” SŞ İdarə Heyətinin Sədri vəzifəsinə təyin edilmişdir.

“Azsığorta” şirkətinin idarə heyətinin sədri Yusif Soltanov Rəhimoğlu Ali təhsilini Belarusiyada fövqaladə hallar üzrə təhsilini alıb.

“AzRe Təkrarsığorta” ASC-nin isə idarə heyətinin sədri Abbasov Vüsal Ramiz oğludur.

O, 1984-cü ildə anadan olmuşdur. 2005-ci ildə Bakı Dövlət Universitetinin İnzibati İdarəetmə fakültəsini fərqlənmə diplomu ilə, 2007-ci ildə isə Azərbaycan Dövlət İqtisad Universitetini İqtisadiyyat və idarəetmə istiqamətinin maliyyə ixtisası üzrə fərqlənmə diplomu ilə bitirirərək magistr dərəcəsi almışdır. 2014-2016-cı illərdə “Maastricht School of Management” və ADA Universitetinin Biznesin idarə edilməsi proqramı üzrə təhsil alaraq MBA (Master of Business Administration) magistr dərəcəsi almışdır.

Sığorta sahəsində əmək fəaliyyətinə 2005-ci ildə “Alfa Sığorta” ASC-də başlamış, Direktor müavini vəzifəsində çalışmışdır, 2007-ci ildən “AzRe Təkrarsığorta” ASC-nin İdarə Heyətinin sədr müavini işləmişdir. Səhmdarların qərarı ilə 03 yanvar 2019-cu il tarixindən “AzRe Təkrarsığorta” ASC-nin İdarə Heyətinin sədri təyin edilmişdir. Azərbaycan, inglilis və rus dillərini bilir.

“A group sığorta” idarə heyəti sədri: Abas Misgərlidir.

“Paşa sığorta”-nın idarə heyətinin sədri Ülviyyə Cabbarova 2001-ci ildən sığorta sahəsində peşəkar fəaliyyət göstərir və 2008-ci ildən etibarəm “Paşa Sığorta”da işləyir. Cabbarova əvvəlcə tibbi və travel-sığortası üzrə anderraytinq-koordinator vəzifəsini tutub, 2009-cu ilin fevralında tibbi və travel-sığortası üzrə menecer, 2010-cu ilin yanvarında isə tibbi və travel-sığortası departamentinin direktoru təyin edilib. Bu dövr ərzində Cabbarova “Paşa Sığorta”nın tibbi yardım xidmətinin təkrar strukturlaşdırılması, habelə tibbi və travel-sığortası departamentində keyfiyyətə nəzarət sistemi standartlarının tətbiqi prosesinə rəhbərlik edib.

Ülviyyə Cabbarova 2010-cu ildə “Paşa Holding”də keyfiyyətə nəzarət sistemi üzrə menecer vəzifəsinə təyin edilib, 2011-ci ilin martında isə “Paşa Holding”in qərarı ilə “Paşa Sığorta”nın əməliyyat blokunun İdarə Heyətinin sədr müavini və rəhbəri seçilib.

2012-ci ildən İdarə Heyətinin sədri vəzifəsini icra edir.

“Qala sığorta”-nın idarə heyətinin rəhbəri Kamal Mirsahib oğlu İbrahimovdur.

“Meqa sığorta”-nın idarə heyətinin sədri də Sevinc Gülmaliyeva xanımdır. Sevinc Gülmaliyeva 1996-2002 illərdə Azərbaycan Dövlət İqtisad Universitetində “Beynəlxalq İqtisadi Münasibətlər” üzrə magistr təhsili alıb. 2000-2005 illərdə Çarter Sığorta Universitetində (Böyük Britaniya) oxuyub.

Peşəkar Təcrübəsi:

Gülmaliyeva Sevinc Tofiq qızı sığorta sahəsi üzrə 18 illik təcrübəyə malikdir. Bu sahədə Azərbaycandakı təcrübəsindən başqa o, Rusiya və İngiltərədə fəaliyyət göstərən beynalxalq sığorta-broker şirkətlərində də uzun illər çalışıb. 2000-2006 illərdə “Atəşgah Sığorta”da Neft və qaz sığortası departamentinin rəhbəri, 2006-2007 illərdə “Benfield Corporate Risk”in Azəbaycan nümayəndəliyinin Baş direktoru,2007-2008 illərdə “Malakut Insurance Brokers”in Azərbaycan nümayəndəliyində baş direktor müavini, 2008-2009 illərdə “Malakut Insurance Brokers”in direktoru, 2009-2011 illərdə “Marsh”ın Neft və qaz departamentinin rəhbəri,2012-2013 illərdə “Societe de Courtage” Sığorta və Təkrarsığorta Brokerinin sədri, 2013-cü ilin aprel-dekabr aylarında “Meqa Sığorta”nın İdarə Heyətinin sədr müavini vəzifələrində olub. 2014-cü ilin yanvar ayından “Meqa Sığorta”nın İdarə Heyətinin sədri vəzifəsini icra edir.

“PAŞA Həyat Sığorta” ASC-nin İdarə Heyətinin sədri Niyaz İsmayılovdur. Niyaz İsmayılov ali təhsilini 2003-cü ildə Bakı Dövlət Universitetinin İqtisadi kibernetika fakültəsində bakalavr, 2005-ci ildə isə magistr pilləsi üzrə başa vurub. 2013-cü ildə ABŞ-ın “Harvard Business School” nəzdində “High Potentials Leadership” proqramını, Böyük Britaniyanın “London Business School” nəzdində “Executing Strategy for Result” və “Leading Change and Growth” proqramlarını bitirmişdir.

2006-cı ilin sentyabr ayından “PAŞA Sığorta” ASC-də anderraytinq üzrə mütəxəssis işləyib, 2009-2010-cu illərdə həmin şirkətdə anderraytinq və təkrarsığorta üzrə müdir vəzifələrinədək yüksəlib.

N.İsmayılov 2010-cu ilin dekabr ayından “PAŞA Həyat Sığorta” ASC-nin İdarə Heyəti sədrinin müavini vəzifəsinə, 2016-cı ilin yanvar ayında isə İdarə Heyəti sədrinin I müavini vəzifəsinə təyin olunub.

N.İsmayılov 2017-ci il 28 fevral tarixindən “PAŞA Həyat Sığorta” ASC-nin İdarə Heyətinin sədridir.

Günay sığorta”-nın idarə heyətinin rəhbəri Mahir Ənvər oğlu Nifrəliyevdir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz –

BIR CAVAB BURAXIN

şərhinizi daxil edin!
Buraya adınızı daxil edin