Aqrar Sığorta Fondu: “Türkiyədə baş verənlər bizə dərs olmalıdır”

0
1677
yanğınlar
yanğınlar

Aqrar Sığorta Fondu fermerlərə müraciət edib.

Sığortalı Azərbaycan xəbər verir ki, Aqrar Sığorta Fondu kənd təsərrüfatı sektorunda fəaliyyət göstərən iş adamları və sahibkarlara müraciət edərək onları öz təsərrüfatlarını sığortalamağa və yanğınlar kimi risklərdən risklərdən qorumağa çağırıb.

Fonddan bildirilib ki, qonşu Türkiyədə baş verən yanğınlar təbiət hadisələri və digər zərərli halların hər an baş verə biləcəyini və bunun nəticəsində fermerlərin böyük zərərlərlə üzləşəcəyini göstərir.

Belə ki, Türkiyədə iyulun sonundan başlayan yanğınlar təbiətlə yanaşı, aqrar sektora da böyük zərər vurub. Fəlakət ərazilərində istixanalar, heyvandarlıq təsərüfatları, əkin sahələri, arı ailələri və sair kənd təsərrüfatı obyektləri məhv olub.

Türkiyənin Kənd Təsərrüfatı Sığortaları Sisteminin (TARSİM) məlumatına görə, yanğınlarla əlaqədar olaraq indiyədək Adana, Osmaniye, Antalya, Mersin, Muğla, Balıkesir, İzmir və Karamanda 210 sığorta hadisəsi qeydə alınıb. Yanğınlar nəticəsində təkcə istixanalara dəyən zərər 70 milyon TL civarındadır. Buna baxmayaraq Türkiyədə yanğın bölgəsindəki istixanaların 88%-i sığortalandığına görə, əksər istixana sahibi kompensasiya alacaq.

Bundan başqa, yanğınlar nəticəsində arı ailələri, xırda buynuzlu və iri buynuzlu heyvanlarla bağlı sığorta hadisələri qeydə alınıb. Hazırda TARSİM mütəxəssisləri fəlakət ərazilərində kəndləri gəzərək, təsərrüfatlara baxış keçirir və dəyən zərəri hesablayırlar.

Bu obyektlərin əksəriyyəti sığortalandığına görə, onlara ödəniş veriləcək. Yanğınlar zamanı zərər çəkən fermerlərin bir hissəsi təsərrüfatlarını sığortalamadığından onlara dəyən zərər komspensasiya edilməyəcək.

Aqrar Sığorta Fondu bildirir ki, iqlim dəyişiklikləri, insan faktoru və digər məxtəlif səbəblərdən son illər Azərbaycanda da yanğınların sayı və miqyası artmaqdadır.

Nəticədə təsərrüfatlara tamamilə gözlənilməz vaxtlarda və gözlənilməyən səbəblərdən zərər dəyə bilər: “Türkiyədə təsərrüfatını sığortalamayan sahibkarlar belə bir hadisənin baş verəcəyini gözləmirdilər, nəticədə böyük zərərə düşdülər. Bu hal bizim üçün də ibrət olmalıdır”.

Fond sahibkarları və şirkətləri dövlət dəstəyi ilə aqrar sığorta ilə təsərrüfatlarını və gəlirlərini sığortalamağa dəvət edir:

“Dövlət dəstəyi ilə aqrar sığorta elə əlverişli şərtlərlə təqdim edilir ki, fermerlər ciddi xərcə dşmədən, cüzi vəsait ödəməklə bütün bu risklərdən sığortalana bilərlər. Aqrar sığorta üçün xərclənən vəsait dəyən zərərlə müqayisəyəgəlməz dərəcədə kiçikdir. Fermerlərimiz bunu nəzərə almalıdırlar”.

Xatırladaq ki, Azərbaycanda dövlət dəstəyi ilə aqrar sığorta mexanizmi 2020-ci ilin noyabrından fəaliyyətə başlayıb. Aqrar sığorta vasitəsilə 14 növ bitki növü, südlük inəklər və balıqçılıq təsərrüfatları sığortalanır.

Aqrar sığota üzrə hesablanmış sığorta haqlarının 50%-i dövlət tərəfindən ödənilir. 2021-ci ilin iyun ayından etibarən aqrar sığorta üzrə dəyən zərərlərə görə ödənişlərin verilməsinə başlanılıb.

Qeyd edək ki, fermerlər aqrar sığorta haqlarını ASF-nin rəsmi internet səhifəsindəki bitkiçilik və heyvandarlıq kalkulyatorlarından istifadə etməklə hesablaya bilərlər.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin