Tanınmış ekspertdən daşınmaz əmlak sığortası ilə bağlı- Təklif

0
882
Sığorta xidmətləri mobilləşir
Sığorta xidmətləri mobilləşir

“Daşınmaz əmlak sığortası haqqında qanuna dəyişiklik edilməlidir”.

Bu sözləri tanınmış sığorta eksperti Kamran Babayev Sığortalı Azərbaycan-a açıqlaması zamanı deyib:

Hesab edirəm ki, daşınmaz əmlakın icbari sığortası ilə bağlı qanunda bəzi dəyişikliklər edilməlidir. Mənim təklifim odur ki, bu növ sığortanı daşınmaz əmlakın özünün sığortası yox, daşınmaz əmlak sahibinin mülkü məsuliyyəti növünə çevirsinlər.

Yəni ki, mənzil sahibləri, komersiya obyekti sahibləri, öz məsuliyyətlərini sığortalasınlar. Əgər biz vətəndaşı məcbur eləsək ki, öz əmlakını sığortala, vətəndaş deyə bilər ki, “Əmlak öz əmlakımdır. Mənə dəyən zərəri istəsəm bərpa edərəm, istəməsəm etmərəm”. Amma mənim dediyim kimi daşınmaz əmlak sahibinin mülkü məsuliyyət qanunu qəbul olarsa, vətəndaşın məsuliyyəti, təqsiri nəticəsində hadisə baş verdiyi zaman, misal üçün mənzildən başqa mənzilə su axıdıldıqda, və kimi problemlər baş verdikdə, vətəndaş deyə bilməyəcək ki, “Öz əmlakımdı istəsəm edərəm, istəsəməsəm yox”. Çünki o artıq zərəri başqa şəxsin əmlakına vurub. Həmin şəxs qarşısında məsuliyyət daşıyır və həmin zərəri bərpa etməlidir.

Çünki insan öz mənzilinin təmirinin qiymətini bilir, amma qonşunun təmirinin qiymətini bilmir. Baş verən hadisə zamanı təqsirləndirilən şəxsin qonşunun evini təmir etdirməyə pulu olmaya bilər. Ona görə də belə hallarda sığorta şirkətinin onun yerinə ödəniş etməsi, hər iki tərəf üçün də ən uğurlu variant ola bilər.

Qeyd edək ki, daşınmaz əmlakın icbari sığortası “İcbari sığortalar haqqında” Azərbaycan Respublikası Qanunu-nun Xüsusi bölməsinin 2-ci fəslində nəzərdə tutulmuşdur. Daşınmaz əmlakın icbari sığortası daşınmaz əmlakın yanğın və ya digər hadisələr nəticəsində zədələnməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsi məqsədi ilə tətbiq edilir.

Bu məqsədlər üçün hüquqi və fiziki şəxslərə məxsus tikililərin, yaşayış və qeyri-yaşayış sahələrinin, yaşayış evləri, binalarının və mənzillərin, habelə dövlət əmlakının sığortası icbaridir.

Yaşayış binalarının, yaşayış evlərinin və mənzillərin icbari sığortası onların konstruktiv elementlərinə, otaqlarına, o cümlədən şüşələr də daxil olmaqla qapı və pəncərə konstruksiyalarına, su, kanalizasiya və qaz təchizatına, habelə istilik sisteminə aid borulara, rabitə, elektrik və digər naqillərinə, bəzək elementlərinə, o cümlədən bütün növ xarici, yaxud daxili mala və suvaq işlərinə, divar, tavan və döşəməyə dəyən zərərlərə təminat verir.

Azərbaycan Respublikası Mülki Məcəlləsinin 180-ci maddəsinə uyğun olaraq özbaşına tikinti sayılan daşınmaz əmlak, Azərbaycan Respublikasının Mülki Məcəlləsinə və Azərbaycan Respublikasının Şəhərsalma və Tikinti Məcəlləsinə uyğun olaraq sökülməsi barədə qərar qəbul edilmiş,eləcə də , tikintisi başa çatmayan və qəzalı vəziyyətdə olan daşınmaz əmlak icbari sığortaya cəlb olunmur.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin