Yazıçı və şairlərimiz haralarını sığorta etdirmək istəyirlər?- Sorğu

0
1002
Xəzər Süleymanlı-Cəlil Cavanşir-Aqşin Evrən
Xəzər Süleymanlı-Cəlil Cavanşir-Aqşin Evrən

Dünyada bir çox məşhurlar müxtəlif bədən üzvlərini sığortalatdırırlar. Bu sığorta kampaniyasına qoşulanlar arasında dünyaca məşhur yazarlar da var. Bəs Azərbaycan ədəbiyyatının nümayəndələri necə? İndiyə qədər sığorta xidmətindən istifadə ediblərmi?

Sığortalı Azərbaycan sizə yazıçı-şairlər arasında apardığı sorğunu təqdim edir:

Yazıçı Cəlil Cavanşir:

“Sığorta icbari olanda, məcbur tabe oluram. Məsələn, məcburi tibbi sığorta. İmkanım olsa gözlərimi sığorta etdirərəm. Çünki sağlamlığını qorumalı olduğum əsas orqanım gözlərimdir. Başqa orqanlarım üçün narahat deyiləm”.

Şair Aqşin Evrən:

“İndiyə qədər sığorta xidmətindən istifadə etməmişəm. Lakin son aylarda iki dəfə qəza keçirdim, ayaqlarımda ciddi zədələr oldu. Düşünürəm ki, bu bir siqnaldır və sığorta xidmətinə müraciət etməliyəm.

Bir də bəzən yaddaş problemi yaşayıram. Yazdığım hansısa şeirin varlığını belə unuduram. Ona görə də beynimi sığortalatmaq istəyərdim”.

Yazıçı Xanım Abbasova:

“Bakı şəhərində hal-hazırda nə evim var nə maşınım.(gülür) Amma gələcəkdə çoxxx imkanlı şəxs olsam sadəcə beynimi, yəni özümü ağlımı itirməkdən suğortalayardım. Ən qorxduğum şey ağlımı itirməkdir”.

Şair-ssenarist Pərviz Arif:

“Hazırda heç bir sığortam yoxdur. Amma etdirsəm, sağ əlimi etdirərəm, çünki o olmasa yaza bilmərəm. Düzdü birinci beyindir, amma beynə bir şey olsa onsuz da yaşamaq mənasızdı”.

Şair-ssenarist Elvin Paşa:

“Açığı hələ heç bir şeyi sığorta etdirməmişəm. Hazırda Azərbaycanda sığorta mədəniyyəti çox populyar olmadığı üçün çoxları bunu başa düşmür. Elə bilirlər ki, sığortaya verilən pulu küçəyə atırlar. Fikirləşirlər ki, ora verilən məbləğə gedib, başqa bir yerə xərcləyərəm. Amma gələcəkdə hansısa bədən üzvümü sığorta etdirmək istəsəm, Şakira kimi etmərəm(Gülür) Yəqin ki, başımı sığorta etdirərəm. Çünki çörəyim oradan çıxır. Maşınım isə sığortalıdır, onu da öz istəyimlə etməmişəm. Məcburi sığorta etdiriblər”.

Şair-qiraətçi Xəzər Süleymanlı:

“Hər il sığortalatdığım sadəcə maşınımdır. Amma səsimi sığortalatmaq istəyərdim. Çünki dünyada bir çox məşhurlar çörək ağacı hesab olunan bədən üzvlərini sığortalayırlar.(gülür).

Yazıçı Qan Tural:

“Heç bir şeyi sığortalatmamışam. Gələcəkdə də sığortalamaq fikrim yoxdur”.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin