“Covid bizim satışlarımıza təsir etmədi” Səidə Fətullazadə – Müsahibə

0
2436
Səidə Fətullayeva
Səidə Fətullayeva

Sığortalı Azərbaycan bu gündən etibarən, silsilə müsahibələrə start verir. İlk qonağımız ölkənin ilk özəl sığorta şirkəti olan “Günay sığorta”-nın idarə heyətinin üzvü – Səidə Fətullazadə.

– Səidə xanım, “Günay sığorta” olaraq sosial şəbəkələrdə çox aktivsiniz. Buna görə sizə təşəkkür edirik. Buradakı məram və məqsədlərinizi qeyd edin, zəhmət olmasa.

Bu gün biznes mühitini sosial şəbəkələrsiz təsəvvür etmək mümkün deyil. Çünki cəmiyyətlə ünsiyyətin ən rahat yolu sosial şəbəkələrdir. Qeyri həyat sığorta şirkətləri içərisində ən çox izləyici sayına malik olan şirkət Günay Sığortadır. Sosial şəbəkə hesablarımızla məhsullarımız, kampaniyalarımız və sığorta haqqında maarifləndirici postlarla insanlarda sığortaya qarşı maraq yaratmaq və sığortanın əhəmiyyətini izah etmək niyyətindəyik. Məqsədimiz sırf məhsullarımızı satmaq yox, müştərilərimizin nə istədiklərini öyrənmək, onları dinləmək və sığorta üzrə bütün məsələlərdə onlara dəstək olmaqdır. 

– “Günay sığorta” müştəri seqmenti olaraq daha çox hansı istiqamətdə fokuslanıb? Fərdi ya korporativ?

Günay sığorta retail sığorta bazarında ən aktiv sığorta şirkətlərindəndi. Azərbaycanın ilk özəl sığorta şirkətiyik və hal hazırda 10 nümayəndəlik, 100-dən çox satış nöqtəsi ilə müştərilərimizə xidmət göstəririk. Regionlarda yeni iş yerlərinin açılması, sığorta biliklərinin artırılması, region əhalisində də sığorta məhsullarına marağın artırılması istiqamətində müxtəlif məhsullar hazırlayıb, həmçinin sosial layihələr həyata keçirtmişik. Hal hazırda korporativ müştərilərlə də əlaqəni genişləndiririk. Komandamızda peşəkar satış əməkdaşları fəaliyyət göstərir və yeni partnyorlarla, korporativ müştərilərlə əməkdaşlıqlar qurulur. Şirkətimizdə icbari sığorta növləri ilə yanaşı, könüllü sığorta növlərində də artım müşahidə olunur.

– Hansı yeni məhsullarınız var və daha hansı məhsulları təqdim etmək niyyətiniz var?

Demək olar ki, fərqli sığorta məhsulları ilə həmişə sığorta bazarında seçilmişik. Fiziki şəxslərin ən çox üstünlük verdiyi kasko sığorta, əmlak sığortası, səfər sığortası üzrə fərqli məhsullarımız mövcuddur. Optimal kasko, 50/50 kasko, Mini kasko, 3D əmlak sığortası, Səfər+baqaj sığortası və s. kimi sığorta məhsullarını müştərilərimizə təqdim etmişik.

­- İcbari əmlak sığortası ilə bağlə fikirləriniz nələrdir? Necə edək ki, bu istiqamətdə bazarımız daha da aktivləşsin?

Daşınmaz əmlakın icbari sığortası üzrə maarifləndirmə tədbirlərinə çox ehtiyac var. Bu sığorta növü üzrə sığorta haqqı çox aşağıdır, Bakı şəhərində mənzillər üzrə illik 50 azn sığorta haqqı təşkil edir. Təəssüf ki, yalnız yanğın hadisələri zamanı insanlar bu məhsula maraq göstərdi. İnsanlar real keyslər izlədikdə bu məhsulun faydasını görürlər. Bunun üçün sığorta şirkətləri bu məhsulla bağlı hadisələri, ödənişləri sosial şəbəkələrdə post kimi paylaşa, insanlara kiçik məbləğ ödəməklə böyük maddi zərərlərdən qorunmaları ilə bağlı çağırış edə bilərlər.

– Covid-19 ilə bağlı hər hansı bir məhsulunuz varmı? Yoxdursa, belə bir planınız varmı?

Hal- hazırda Covidlə bağlı yeni bir məhsulumuz hazırlanır. Qısa zamanda sığorta bazarına bu məhsulu təqdim edəcəyik.

– Pandemiya “Günay sığorta” ya necə təsir edib və ya etməkdədir?

“Günay Sığorta” retail müştəri yönümlü şirkət olduğundan Covid şirkətimizin satışlarına təsir etmədi. 2020-ci il üzrə satış hədəflərimizə komandamızın peşəkarlığı nəticəsində çatdıq. 2021-ci ildə də satış planlarımızı yerinə yetiririk və satış siyasətimizdə daha çox rentabelli məhsulları artırmağı hədəfləmişik. Kəmiyyətə yox, keyfiyyətə üstün vermək əsas məqsədimizdir.

– Şirkət olaraq rislərinizi necə bölüşdürürsünüz? Təkrar sığortaya yanaşmanız necədir?

Azərbaycan və xarici təkrarsığorta şirkətləri ilə uzunmüddətli əməkdaşlığımız var.  Dünyanın tanınmış sığorta və təkrarsığorta şirkətlərindən olan “Zurich”, “Allianz Türkiye”, “İnqosstrach”,  “Azre Təkrarsığorta”  və s. kimi böyük şirkətləri ilə əməkdaşlığımız davam etməkdədir.

– “Günay sığorta”-nın əməliyyatları tam avtomatlaşıbmı?

2021-ci il üzrə hədəflərimizdə daha çox avtomatlaşdırma işi yer alıb. Hal hazırda bu iş üçün şirkətimizdə Avtomatlaşdırma komitəsi yaradılıb. Pandemiya bütün şirkətlərə elektronlaşmanın nə qədər vacib olduğunu anlatdı. Bizim müştərilərimiz avtomobillərinin icbari sığortasını, daşınmaz əmlakın icbari sığortasını, həmçinin səfər sığortasını da onlayn əldə edə, dünyanın istənilən ölkəsində istənilən vaxt öz sığorta müqavilələrini çap edə, hadisə olduğu zaman şirkətimizə onlayn müraciət edə, şikayət və təkliflərini də onlayn bildirə bilərlər.

– Müsahibə üçün minnətdarıq.

Təşəkkür edirəm.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– İcbari sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz, Hesablama Palatası. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz

BIR CAVAB BURAXIN

şərhinizi daxil edin!
Buraya adınızı daxil edin