Taxıl sahələri üçün əkin subsidiyaları, aqrar sığorta şərti ilə veriləcək.
Sığortalı Azərbaycan xəbər verir ki, Aqrar Sığorta Fondu buğda və arpa əkin ilə məşğul olan fermerlərə müraciət edib.
Azərbaycanda dövlət dəstəyi ilə aqrar sığorta mexanizminin tətbiqini həyata keçirən Aqrar Sığorta Fondu buğda və arpa əkini ilə məğul olan fermerlərə müraciət edib.
Məlum olduğu kimi, Azərbaycan Prezidenti İlham Əliyev in müvafiq fərmanı ilə «Kənd təsərrüfatı məhsulları istehsalının subsidiyalaşdırılması» Qaydasına dəyişiklik edilib.
Dəyişikliyə əsasən, 10 hektardan artıq olan əkinlərə görə subsidiyaların alınması üçün həmin sahələrin mütləq qaydada sığortalanması şərti tətbiq edilib
Hazırda ölkədə payızlıq taxılın – buğda və arpanın əkini prosesi davam edir və Aqrar Sığorta Fondu fermerlərə müraciət edərək bildirir ki, onların əkin subsidiyasını əldə edə bilməsi üçün, fermerlər əkinlərini Elektron Kənd Təsərrüfatı İnformasiya Sistemində (EKTİS-də) bəyan etdirdiyi zaman dərhal sığorta müqaviləsini də əldə etməlidirlər. Əks halda, yəni sığorta müqaviləsini əldə etməyən fermerlərə, adıçəkilən Qaydalaya əsasən əkin subsidiyasının verilməsində imtina ediləcəkdir.
Əkin sahələrinin sığortalanması qətiyyən böyük xərc tələb etmir.
Aqrar sığorta qaydalarına əsasən fermerlərə dəstək üçün sığorta haqqının 50%-i dövlət tərəfindən ödənilir
Bunu nəzərə aldıqda, 1000 manatlıq məhsuluq yığıldığı taxıl sahəsi üçün fermerin ödədiyi məbləğ ölkənin böyük hissəsində 7-10 manat arasında dəyişir.
Bu məbləğ müqabilində iş adamları öz əkin sahələrini təbii fəlakətlər, qasırğa, dolu, eləcə də yanğın, vəhşi heyvanlar və üçüncü şəxslərin vurduğu zərərdən sığortalamış olacaqlar.
Başqa sözlə, aqrar sığorta fermerlərə böyük maliyyə yükü yaratmadan onların təsərrüfatlarını bütün əsas risklərdən qoruyacaq.
Qeyd edək ki, Aqrar Sığorta Fondu ölkədə taxıl əkinləri ilə məşğul olan fermerlərə aqrar sığorta tələbini xatırladır və onları dövlət dəstəyi ilə bu vacib imkandan istifadə etməyə çağırır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
