Ölkənin tanınmış banklarından biri olan “Yelo bank”-ın yeni ofisinin açılışı baş tutub.
Sığortalı Azərbaycan xəbər verir ki, Oktyabrın 20-də Yelo Bank ASC-nin yeni baş ofisinin rəsmi açılış mərasimi baş tutdu. Tədbirdə Bankın bütün səhmdarları, Azərbaycan Respublikası Mərkəzi Bank rəhbərliyi, eləcə də digər rəsmi şəxslər iştirak edib.
Bina geniş ofis sahəsi, rahat iş yerləri, böyük akt zalı, kitabxana, idman zalı və yeməkxana da daxil olmaqla öz funksionallığı ilə seçilir. Qeyd olunanların hamısı əməkdaşlara iş məsələlərini həll etməklə bərabər, ünsiyyət, sosiallaşma , qarşılıqlı əlaqə və görüşlər üçün də imkan yaradır.
Açılışda çıxış edən Vahid Ələkbərov bu ilin əvvəlindən həyata keçirilən yeni strategiyanın düzgünlüyünə əminliyini bildirib və Bankın yüksək maliyyə göstəricilərinin də bunun sübutu olduğunu ifadə edib:
“Yelo Bank, missiyası həm kiçik və orta sahibkarlığa dəstək göstərməkdən, həm də Azərbaycan əhalisinə geniş çeşiddə maliyyə xidmətləri təqdim etməkdən ibarət olan müasir bir brenddir.
Bu gün gördüyümüz hər bir şey komandanın peşəkarlığını sübut edir. Yelo Bank rəhbərliyi və kollektivini bu əlamətdar hadisə münasibəti ilə bir daha təbrik edirəm, hər kəsə uğurlar və qoyulmuş hədəflərə çatmağı arzulayıram”.
Mərkəzi Bankın sədri cənab Elman Rüstəmov yeni baş ofisin açılışı münasibətilə bank kollektivini təbrik edib və rebrendinq prosesindən sonra Yelo Bankın əldə etdiyi nəticələri yüksək qiymətləndirdiyini bildirib.
Yelo Bankın Müşahidə Şurasının sədri Marina Kulişova uzun müddətdir gözlənilən yeni baş ofis açılışının Bankın rebrendinq prosesinin məntiqi nəticəsi olduğunu qeyd edib:
“Baş ofis istənilən təşkilatın ürəyi və beyin mərkəzidir. Əsas sərvətimiz burada çalışan əməkdaşlar olduğundan, komandamız üçün ən rahat şəraitin yaradılmasına xüsusi diqqət yetirdik”.
Yelo Bankın İdarə Heyətinin sədri Anar Həsənov baş ofis açılışının yeni strategiyanın həyata keçirilməsində növbəti addım olduğunu təsdiqləyib:
“Bank xidmət səviyyəsində artıq keyfiyyətcə yeni mərhələyə çatıb. Yeni strategiyamıza əsasən iqtisadiyyatın real sektorunu dəstəkləməyə davam edəcəyik. Həmçinin, müştərilərimizin bank təcrübəsini təkmilləşdirmək üçün yeni innovativ həllər axtararaq pərakəndə bankçılığı da fəal şəkildə inkişaf etdirəcəyik.
Əsas strateji biznes hədəflərimizin reallaşdırılmasında Banka göstərdiyi əvəzsiz dəstəyə görə çox hörmətli Vahid Ələkbərova təşəkkür etmək istəyirəm”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
