İcbari Tibbi Sığorta üzrə Dövlət Agentliyi vahid əlaqələndirmə mərkəzində

0
361
Daha 700 xidmət İcbari Tibbi Sığorta zərfinə daxil edilir
Daha 700 xidmət İcbari Tibbi Sığorta zərfinə daxil edilir

İcbari Tibbi Sığorta üzrə Dövlət Agentliyi vahid əlaqələndirmə mərkəzlərində vətəndaşlara xidmət göstərir.

Sığortalı Azərbaycan xəbər verir ki, 2021-ci ilin 23 avqust – 31 oktyabr tarixləri aralığında İcbari Tibbi Sığorta üzrə Dövlət Agentliyi (Agentlik) tərəfindən Bakı şəhərindəki DOST mərkəzlərinin vahid əlaqələndirmə mərkəzlərində 44 vətəndaşa 51 xidmət göstərilib.

Bu xidmətlərin 30-u əlillik statusunun əldə olunması, 13-ü tibbi xidmətlər, 6-sı icbari tibbi sığorta və Xidmətlər Zərfi, 2-si isə COVID-19 infeksiyası və vaksinasiya ilə bağlı olub.

Qeyd edək ki, vahid əlaqələndirmə mərkəzləri Əmək və Əhalinin Sosial Müdafiəsi Nazirliyinin (Nazirlik) tabeliyindəki Dayanıqlı və Operativ Sosial Təminat Agentliyinin (DOST Agentliyi) mərkəzlərində cari ilin 23 avqustundan etibarən fəaliyyət göstərir

Azərbaycan Respublikası Prezidentinin 2021-ci il 25 iyun tarixli Fərmanına əsasən vahid əlaqələndirmə mərkəzlərinin yaradılmasında məqsəd şəhid ailəsi üzvləri, müharibə ilə əlaqədar xəsarət almış hərbi qulluqçular və əlilliyi müəyyən edilmiş şəxslərə vahid məkandan dövlət qurumlarının təxirəsalınmaz və operativ xidmət göstərməsini təmin etməkdir.

Hazırda vahid əlaqələndirmə mərkəzlərində cəmlənmiş 21 qurumdan biri olan Agentlik sözügedən kateqoriyalara aid vətəndaşlara 3 istiqamət üzrə xidmət göstərir.

Birinci istiqamət Tibbi Ərazi Bölmələrini İdarəetmə Birliyinin (TƏBİB) tabeliyindəki tibb müəssisələrinə səhiyyə xidmətləri ilə bağlı müraciətlərin qəbulu üzrədir

Vətəndaş müraciət etdiyi zaman ona gərəkli olan müvafiq tibb müəssisəsi ilə əlaqə saxlanılır, sorğusu lazımi həkimə ünvanlanır, çətinlik yaranarsa, məsələnin həlli istiqamətində müvafiq tədbirlər görülür və ya vətəndaş həmin tibb müəssisəsinə yönləndirilir. Eyni zamanda vətəndaşların Xidmətlər Zərfi ilə bağlı sualları ətraflı şəkildə cavablandırılır, icbari tibbi sığorta sistemindən istifadə qaydası izah edilir.

İkinci istiqamət immunoprofilaktika, yəni COVID-19 infeksiyası ilə bağlı sualların cavablandırılması, vaksinasiya haqqında lazımi informasiyanın və Milli peyvənd təqvimi haqqında məlumatın verilməsi ilə bağlıdır

Sonuncu istiqamətə isə tibbi arayışların elektron registrindən məlumatların verilməsi aiddir. Belə ki, vətəndaş Nazirliyin Dövlət Tibbi-Sosial Ekspertiza və Reabilitasiya Agentliyi tərəfindən “Əlillik” altsisteminə daxil edilmiş müayinənin cavabı ilə qane olmadığı zaman (imtinanın səbəbi sənəd yetərsizliyi, müalicə yetərsizliyi və ümumən tibb müəssisəsi ilə bağlı olduğu hallarda) Agentliyin vahid əlaqələndirmə mərkəzlərindəki əməkdaşına müraciət edə bilər. Vətəndaşın sorğusu müvafiq olaraq Agentliyin Tibbi planlama departamenti, DOST Agentliyinin DOST xidmətləri departamenti və ya müvafiq tibb müəssisəsinə yönləndirilir, yaranmış çətinliyin səbəbi araşdırılır və həll edilməsi üçün tədbirlər görülür. Eyni zamanda Agentliyin mütəxəssisləri əlillik statusu ilə bağlı cavab gözləyən və ya statusu əldə etmək üçün müraciət edən şəxslərə də lazımi köməkliyi göstərirlər.

Diqqətə çatdıraq ki, vahid əlaqələndirmə mərkəzləri hazırda 1, 2, 3 və 4 saylı Bakı DOST mərkəzlərində, habelə Abşeron DOST Mərkəzində yerləşir. Həmin mərkəzlərdə Agentliyin əməkdaşları vətəndaşlara xidmət göstərirlər. Vahid əlaqələndirmə mərkəzlərinə həftəiçi saat 09:00-dan 18:00-a qədər müraciət etmək mümkündür.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.

BIR CAVAB BURAXIN

şərhinizi daxil edin!
Buraya adınızı daxil edin