Milli Hematologiya və Transfuziologiya Mərkəzində iclas

0
351
Milli Hematologiya və Transfuziologiya Mərkəzində iclas
Milli Hematologiya və Transfuziologiya Mərkəzində iclas

Milli Hematologiya və Transfuziologiya Mərkəzinin Müşahidə Şurasının yeni tərkibdə iclası keçirilib

Sığortalı Azərbaycan xəbər verir ki, ötən gün “Milli Hematologiya və Transfuziologiya Mərkəzi” publik hüquqi şəxsin (Mərkəz) Müşahidə Şurasının yeni tərkibdə iclası keçirilib. Tədbirdə İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev, İdarə Heyəti sədrinin müavini Nigar Bayramova, Mərkəzin İcraçı direktoru Valeh Hüseynov, Müşahidə Şurasının sədri Soltan Məmmədov və şuranın üzvləri iştirak ediblər.

Agentliyin İdarə Heyətinin sədri Zaur Əliyev bildirib ki, Mərkəzin fəaliyyəti barədə qərarların qəbul olunmasında Müşahidə Şurasının rolu böyükdür: “Çünki Müşahidə Şurası qərar qəbul etməkdə müstəqildir. Şura Mərkəzin fəaliyyətinə nəzarəti həyata keçirdiyi üçün o görülən işlərin düzgün istiqamətləndirməsində, qərarların verilməsi ilə bağlı təkliflərin irəli sürülməsində fəal iştirak etməlidir. Kadr siyasətinin düzgün formalaşdırılması, daxili məsələlər və mərkəzin fəaliyyətinin yoxlanılması barədə qərarın verilməsi bilavasitə Şuranın fəaliyyəti ilə bağlıdır”.

Müşahidə Şurasının vəzifələrindən danışan Soltan Məmmədovun sözlərinə görə, üzvlərinin sayının artırılması Mərkəzin fəaliyyətinə öz töhfəsini verəcəkdir.

Qeyd edək ki, Agentliyin İdarə Heyətinin 30 noyabr 2021-ci il tarixli 31 nömrəli Qərarı ilə Mərkəzin Müşahidə Şurasının tərkibi təsdiq edilib. Müşahidə Şurasının tərkibi sədr də daxil olmaqla 5 üzvdən ibarətdir: Agentliyin Tibbi planlama departamentinin rəhbəri Hikmət İbrahimli, Büdcə planlaşdırılması və icraya nəzarət şöbəsinin müdiri Yadigar Mahmudzadə, Tibbi Ərazi Bölmələrini İdarəetmə Birliyinin Xəstəliklərin kontrolu və profilaktikası departamentinin rəhbəri Yaqut Qarayeva və Bakı Sağlamlıq Mərkəzinin Qan mərkəzinin şöbə müdiri, Elm Təhsil Komitəsinin sədri Səhər İsmayılova.

Müşahidə Şurası Mərkəzə ümumi rəhbərliyi və nəzarəti həyata keçirir. Şuranın vəzifələri həmçinin Mərkəzin fəaliyyətinə dair illik hesabatı dinləmək, illik büdcəsinə və onun icrasına nəzarət etmək, daxili audit xidməti yaratmaq, fəaliyyəti ilə bağlı xüsusi halların araşdırılması üçün müvəqqəti komissiyalar yaratmaq, Mərkəzin maddi-texniki bazasının gücləndirilməsi və təkmilləşdirilməsi barədə qərar vermək və digər məsələlərdən ibarətdir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin