Paşa Sığortadan “Ana Sahibkar” layihəsi

Sığortalı Azərbaycan xəbər verir ki, PAŞA Sığorta şirkətinin təşəbbüsü, “GİD CSR Consulting” şirkətinin təşkilatçı dəstəyi və PAŞA Holdinqin dəstəyi ilə İkinci Qarabağ müharibəsi şəhid və qazilərinin xanımları üçün sahibkarlıq fəaliyyətinə, eyni zamanda, bu sahədə bilik və bacarıqların artırılmasına dəstək göstərmək məqsədilə həyata keçirilən “Ana Sahibkar” sosial məsuliyyət layihəsi uğurla davam edir.

Layihə çərçivəsində təşkil olunması planlaşdırılan 15 təlimdən 12-si artıq reallaşıb. Psixoloq Nərgiz Süleymanova-nın rəhbərliyi ilə şəhid və qazilərin həyat yoldaşları üçün ardıcıl bir neçə psixoloji dəstək təlimləri həyata keçirilib. Təlimlər zamanı xanımlar müharibə və müharibədən sonrakı dövrdə qarşılaşdıqları psixoloji narahatlıqlar, bununla mübarizə aparmağın yolları ilə bağlı birbaşa mütəxəssisdən rəy alıblar.

Layihə iştirakçılarına dəstək olmaq məqsədilə PAŞA Sığorta şirkətinin rəhbər şəxsləri də təlim verən mütəxəssislər arasında yer alıb. Şirkətin İnsan Resursları departamentinin rəhbəri Asif Sadıqov “İnsan resursları, işə düzəlmə və qanunvericilik” mövzusunda iştirakçıları məlumatlandırıb. İstedadların idarəolunması və inkişafı şöbəsinin rəhbəri Leyla Cəfərli isə “Emosional zəka və təqdimat bacarıqları” adlı təlimi ilə xanımların işgüzar görüşlər zamanı peşəkar imic formalaşdırması, həmçinin emosional zəka və ünsiyyətin növləri barədə bilik və bacarıqlarının inkişafına dəstək olub.

Qadınların mövcud olan biznes ideyalarının reallaşdırılmasına dəstək məqsədilə qadın sahibkar Şəbnəm Səfərova “Sahibkarlıq düşüncə tərzi” adlı təlim keçirib. Biznes mühitində düzgün istiqamətlənə bilmələri üçün isə işgüzar xanım Ruhi Əliyeva “Qadın Sahibkarlıq” mövzusundakı təlimi ilə çıxış edib.

Xanımların yer aldığı bir mühitdə onların yarada biləcəyi gözəlliyin vurğulanması vacibdir

Bu istiqamətə diqqət çəkmək məqsədilə “Beauttech” gözəllik salonları şəbəkəsinin rəhbəri Elnarə Nəhmədova “Gözəllik sahəsi” adlı təlimində bu sferadakı təcrübəsini təlim iştirakçıları ilə bölüşüb. Tanınmış influenser Aylar Abid isə “Bloggerlik və modelyerlik sahəsi” üzrə təlimlə çıxış edərək layihədə yer alan qadınları bu istiqamət üzrə məlumatlandırıb.

Davam edən layihə müddətində mütəxəssis Nərgiz Əmrahın təqdimatında informasiya texnologiyaları sahəsi üzrə, Nigar Əliyevanın təqdimatında isə vaxtın düzgün idarə edilməsi mövzularında iştirakçılar üçün təlimlər həyata keçiriləcək.

Bununla yanaşı, Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin

Beynəlxalq əlaqələr və layihələr departamentinin Sosial tədbirlər şöbəsinin rəhbəri Adil Abdullayev tərəfindən xanımlar üçün işə müraciət qaydaları, işlə təmin olunmaq üçün vacib olan şərtlərlə əlaqədar xüsusi təlim təşkil ediləcəkdir.

Qeyd edək ki, layihənin yekununda qadınların yiyələndikləri biliklər əsasında öz seçdikləri istiqamətlər üzrə işlə təmin olunmaları üçün şərait yaradılacaqdır.

“Təlimçilərin və təlim iştirakçılarının interaktiv iştirakı ilə keçirilən təlimlər qadınların gələcək inkişafı üçün olduqca effektiv olub. Layihəyə müraciət etmək istəyən xanımların say artımını və hər keçən gün bu təlimlərimizə marağın daha da artmasını nəzərə alaraq layihəmizin növbəti illərdə də davam etməsi planlaşdırılır.”-deyə layihə təşkilatçıları bildirib.

Hazırda qeyri-həyat sığorta sektorunun lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan PAŞA Sığorta 300.000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “SP Global Ratings” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit reytinqini və maliyyə dayanıqlılığı reytinqini “BB”, reytinq üzrə proqnozu isə “Stabil” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.