Aqrar Sığorta Fondunda sığorta şirkətlərinin əməkdaşlarına təlim keçirilib

0
293
ASF sığorta şirkətlərinin əməkdaşlarına təlim keçib
ASF sığorta şirkətlərinin əməkdaşlarına təlim keçib

Aqrar Sığorta Fondunda Sığorta Şirkətlərinin əməkdaşları üçün növbəti təlim keçirilib

Sığortalı Azərbaycan xəbər verir ki, Aqrar Sığorta Fondunda fondun səhmdar sığorta şirkətlərinin əməkdaşları üçün növbəti təlim keçirilib. Təlimin əsas məqsədi Azərbaycanda 2 ilə yaxın bir müddətdə aktiv şəkildə tətbiq edilən dövlət dəstəkli aqrar sığorta mexanizmi, bu sahədə işin səmərəli təşkili ilə bağlı zəruri məlumatları çatdırmaq, bölgələrdə fermerlərlə işləyən sığorta şirkətləri əməkdaşlarını maraqlandıran məqamlara aydınlıq gətirmək idi.

Aqrar Sığorta Fondu və «Aqrar Sığorta müştərək Sığorta şirkəti» ASC-nin mütəxəssisləri- Müştəri Xidmətləri Departamentinin nümayəndələri Ramin İsmayılov və Lalə Qəhrəmanlı, Sığorta hadisələrinin tənzimlənməsi üzrə mütəxəssis Ağaməhəmməd Alosmanov tərəfindən keçirilən təlimlərdə sığorta şirkətlərinin təmsilçilərinə sığorta məhsulları, risklər və aqrar sığortanın qaydaları haqqında geniş məlumat veriblər. Sığorta əməkdaşlarının suallarını cavablandırıblar. Təlimdə “PAŞA Sığorta”, “Mega Sığorta”, “AzSığorta” şirkətlərinin əməkdaşları iştirak edib.

Xatırladaq ki, «Aqrar Sığorta Müştərək Sığorta Şirkəti» ASC Aqrar Sığorta Fondunun təşkilatçılığı ilə, ölkədə qeyri-həyat sığortası sahəsində fəaliyyət göstərən və ASC-nin fəaliyyətində iştirak etmək niyyətini bildirən 7 şirkət tərəfindən təsis edilib.

Bunlar – «Paşa Sığorta» ASC, «Qala Sığorta» ASC, «Meqa Sığorta» ASC, «Azərbaycan Sənaye Sığorta» ASC, «Xalq Sığorta» ASC, «AZSIĞORTA» ASC, «Bakı Sığorta» ASC şirkətləridir.

Bundan başqa, aqrar sığorta sisteminin üzvləri olan sözügedən şirkətlər fermerlərin müraciətlərini qəbul etməklə Aqrar Sığorta Fondu və sahibkarlar arasında vasitəçi funksiyasını yerinə yetirirlər.

Respublikanın bütün bölgələrində filial və nümayəndəliklərə malik olan sığorta şirkətləri müraciətlərin qəbulu və ilkin emalından sonra Aqrar Sığorta Fonduna yönləndirilməsində mühüm rol oynayırlar.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin