Aqrar Sığortada bir ilk 2 500 000 manat ödəniş edilib

0
174
Aqrar Sığortada bir ilk 2 500 000 manat ödəniş edilib
Aqrar Sığortada bir ilk 2 500 000 manat ödəniş edilib

Sığortalı Azərbaycan xəbər verir ki, Aqrar Sığorta Sahəsində bir ilk: Bitkiçilik sığortası üzrə 2 500 000 manat ödəniş edilib. Azərbaycanda dövlət dəstəyi ilə tətbiq edilən aqrar sığorta mexanizmi artıq qarşıya qoyulan missiyasını tam yerinə yetirməkdədir.

Belə ki, sığorta hadisələrinin baş verdiyi bitkiçilik təsərrüfatlarında zərərlərin qiymətləndirilməsi prosesi yekunlaşmaq üzrədir. Artıq dəymiş zərərin 2 500 000 manatı ötdüyü təsdiqini tapıb. Qiymətləndirilməsi tamamlanmış payızlıq əkin sahələri üzrə aqrar sığorta ödənişlərinə başlanılıb. İlk zərər ödənişləri Aqrar Sığorta Fondunda Neftçala rayonundan olan fermerlərə təqdim edilib. Rayonun Xəzər kəndi ərazisində sığortalanmış ərazilər əsasən sel, subasma və 3-cü şəxlərin hərəkətlərindən ziyan çəkib.

Tədbirdə çıxış edən Aqrar Sığorta Fondunun İdarə heyətinin sədri Fuad Sadıqov bildirib ki, dövlət dəstəyi ilə aqrar sığortanın tətbiqi getdikcə genişlənir, əkin sahələrini və heyvanlarını sığortalayan fermerlərin sayı artmaqdadır.

Neftçala rayonu DAİM-nin direktoru Ramin Salmanov da çıxışında bildirib ki, fermerlərin aqrar sığorta sisemindən faydalanması sevindiricidir və bu gün onlara təqdim edilən zərər ödənişlərindən sonra sığortaçıların sayı artacaq və bu da öz növbəsində kənd təsərrüfatında fəaliyyətlərin davamlılığına dəstək olacaq. Neftçala rayon Xəzər kəndindən olan fermerlər də xidmətin özünü doğrultduğunu və aqrar sığorta ilə daim dövlətin onlara dəstəyini hiss etdiklərini vurğulayıblar.

Hazırda Aqrar Sığorta Fondu tərəfindən 48 məhsul və 29 risk üzrə sığorta təminatı təqdim olunmaqdadır. Bitkiçilik məhsulları bir çox risklərdən o cümlədən dolu, fırtına, qasırğa, sel və ya subasma, leysan, ildırım, şaxtavurma (donvurma), normadan artıq yağan qar yağıntıları və sair hallardan sığortalanır. Kənd təsərrüfatı heyvanlarının sığortlandığı risklər siyahısı da olduqca genişdir. Bura yoluxucu xəstəliklər, ilan və həşərat sancması, təbii fəlakətlər, zəhərli otlar və yemlərdən zəhərlənmə, vəhşi heyvanların hücumu, təbii fəlakətlər və yanğın, məcburi kəsim və s. risklər aiddir. Fermerlərə dəstək məqsədilə hesablanmış sığorta haqqının 50 faizini dövlət ödəyir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin