Aqrar Sığorta Fondunda 8 Noyabr – Zəfər Günü ilə bağlı tədbir təşkil edib Sığortalı Azərbaycan xəbər verir ki, Ölkəmizin müstəqilliyi, suverenliyi, ərazi bütövlüyü uğrunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Aqrar Sığorta Fondunun İdarə Heyətinin üzvü Roman Əmircanov çıxış edərək Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi, rəşadətli Azərbaycan Ordusunun şücaəti, Azərbaycan xalqının birliyi nəticəsində 30 il işğal altında olan əzəli Azərbaycan torpaqlarının azad olunaraq ərazi bütövlüyümüzün bərpa olunduğu 8 Noyabr gününü xalqımızın tarixinə şanlı, qızıl hərflərlə yazıldığını vurğulayıb.
44 gün sürən hərbi əməliyyatlar nəticəsində müzəffər Azərbaycan Ordusu Cəbrayıl, Füzuli, Zəngilan, Qubadlı şəhərlərini, Azərbaycan xalqının tarixində, mədəniyyətində və qəlbində xüsusi yeri olan, Qarabağın tacı sayılan Şuşa şəhərini, Xocavənd rayonunun Hadrut qəsəbəsini və bir çox kəndlərini, Tərtər rayonunun Suqovuşan kəndi, Xocalı və Laçın rayonlarının bir neçə kəndi daxil olmaqla, ümumilikdə, 300-dən çox yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad edib. Artıq işğaldan azad edilmiş regionlarımızda quruculuq işləri aparılır. Ərazilərimiz minalardan təmizlənir, müasir tələblərə cavab verən infrastruktur layihələri həyata keçirilir. Qısa zaman ərzində Füzuli və Zəngilan rayonlarında müasir standartlara uyğun Beynəlxalq Hava Limanları tikilərək istifadəyə verilib. Şəhər və kəndlər ən müasir üslubda yenidən tikilir və 30 il evlərindən didərgin düşmüş soydaşlarımız mərhələli şəkildə öz torpaqlarına qayıdırlar.
Tədbirdə Aqrar Sığorta Fondunun Vətən müharibəsi iştirakçısı olmuş əməkdaşlarına təşəkkürnamələr təqdim edilib. Vüqar İslamzadə, Elşad Alıyev, Vüqar Kərimov 44 günlük Vətən müharibəsi ilə bağlı xatirələrini bölüşüblər. Daha sonra tədbirdə AzTv-nin istehsalı olan “Şəhid əmanəti” videoçarxı nümayiş etdirilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
