Sığortalı Azərbaycan xəbər verir ki, “Atəşgah” Sığorta Şirkətinin Direktorlar Şurasının sədri Ruslan Əliyev Rusiyada keçirilən ESG RETHINK FORUM 2022-də Azərbaycanın Rusiyadakı ticarət nümayəndəsi qismində çıxış edib.
Ötən gün Moskva şəhərində ekoloji və sosial məsuliyyət və korporativ idarəetmə sahəsində mühim hadisə olan ESG RETHINK FORUM 2022 tədbiri baş tutmuşdur. Forumun gündəliyi davamlı inkişaf strategiyasının müasir kontekstdə yenidən nəzərdən keçirilməsi və onun mövcud reallıqlarda praktiki tətbiqindən ibarət olmuşdur.
ESG RETHINK FORUM 2022 şirkət rəhbərlərini, hökumət rəsmilərini və bu sahənin ekspertlərini bir araya gətirmişdir. Tədbir iştirakçıları dünyada şirkətlərin dayanıqlı inkişaf və ESG-transformasiyası konsepsiyasının tərəqqisinin problemləri və istiqamətləri ilə bağlı təcrübə və fikirlərini bölüşmüşlər.
Forum əsasən 8 istiqamətdə – davamlı inkişaf, iqtisadi transformasiya, sosial gündəm, rəqəmsal strategiya, regionların strateji dayanıqlığı, kreativ sənayelər, gənc nəsil, idxalın əvəzlənməsi kimi mövzuları əhatə edib.
“Atəşgah” Sığorta Şirkətinin Direktorlar Şurasının Sədri Ruslan Əliyev forumda Azərbaycanın Rusiyadakı ticarət nümayəndəsi qismində iştirak edib. O, Azərbaycanda ESG strategiyasının tətbiq edilmə mərhələləri haqda danışmış, cari vəziyyətin dəyərləndirilməsi ilə auditoriyanı tanış etmişdir.
Ruslan Əliyev Azərbaycanda ilk dəfə 2021-ci ildən “Atəşgah” Sığorta Şirkəti tərəfindən ESG strategiyasının pilot layihəsinin işıq üzü gördüyünü qeyd etmiş və forum iştirakçılarına “Atəşgah” Sığorta Şirkətinin ESG prinsiplərini əsas tutaraq həyata keçirdiyi layihələri öz təqdimatında nümayiş etmişdir. Çıxışının sonunda Azərbaycan Respublikasında gənc nəslin dayanıqlı inkişafa qatdığı töhfələrdən bəhs edən Ruslan Əliyev Ümumilli lider Heydər Əliyevin və Azərbaycan Respublikasının prezidenti İlham Əliyevin gənclərə dəstəyindən, bununla bağlı qəbul etdiyi qərarlardan danışmışdır.
Qeyd edək ki, “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
