“Paşa Həyat Sığorta” bu ili necə başa vurub? – Sığortalı Azərbaycan xəbər verir ki, ölkənin lider həyat sığorta şirkəti biznes hədəflərinə artıqlaması ilə nail olmaqla və ölkə iqtisadiyyatının inkişafına töhfə verməklə yanaşı cəmiyyət qarşısında olan məsuliyyətini unutmur və davamlı olaraq Korporativ Sosial Məsuliyyət çərçivəsində sistemli xarakter daşıyan layihələr icra edir.
PAŞA Həyat 2022-ci ildə bir sıra uğurlu layihələri ilə yadda qalıb. Belə ki, il ərzində şirkət müxtəlif istiqamətlər üzrə işlər həyata keçirib – sosial aksiyalar, tarixi-mədəni irsə töhfə, ianə və maliyyə yardımları.
Belə ki, 8 Mart Beynəlxalq Qadınlar Günü münasibətilə 8 Mərd şəhid xanımına həsr olunmuş qısametrajlı film hazırlanmış və təqdimatı həyata keçirilmişdi. Kifayət qədər səs salan videoçarxda 8 müxtəlif peşə sahəsində çalışan 8 şəhid xanımının mərdliyi, əzmkarlığı vurğulanaraq, bütün qadınlara onlar kimi güclü olmağa və bütün çətinliklərə sinə gərməyə çağırış ifadə olunub (8 Mərd – YouTube).
2022-ci il mart ayında həyata keçirilən növbəti KSM tədbiri çərçivəsində PAŞA Həyat və Azərbaycan Sığortaçılar Assosiasiyası İctimai Birliyinin (ASA) təşkilatçılığı ilə Şamaxı və Qarabağda ağacəkmə aksiyası keçirildi. Aksiya daxilində 2 hektar əraziyə ağac əkilərək suvarma işləri aparılıb.
İl ərzində şirkət Qızıl Aypara Cəmiyyəti ilə birgə Novruz, Ramazan, Qurban bayramları ərəfəsində ahıllara bayram sovqatları ilə dəstək olub. Qeyd edək ki, PAŞA Həyat şirkəti Qızıl Aypara Cəmiyyətinin 100 illik yubileyi münasibətilə faydalı əməkdaşlıq çərçivəsində qızıl medal ilə təltif olunub.
May ayı ərzində Azərbaycan Türkiyə İş Adamları Birliyi (ATİB) ilə birgə qazi və şəhid ailələrinə dəstək aksiyası həyata keçirilib.
2 aprel Dünya Autizm Məlumatlandırma Günü ilə əlaqədar “Birgə və Sağlam” İctimai Birliyinin təşəbbüsü və “PAŞA Həyat” şirkətinin dəstəyilə autizmli uşaqlar üçün geniş proqram təşkil olunub.
1 iyun Uşaqların Beynəlxalq Müdafiəsi Günü münasibətilə “PAŞA Holding” və “PAŞA Həyat” şirkətləri tərəfindən “Gerçək Gələcək” sosial layihəsi həyata keçirilib. Bu layihə çərçivəsində Ümid Yeri” uşaq sığınacağının balaca sakinlərinin pərəstiş etdikləri peşə sahibləri ilə onların iş yerlərində görüşlər təşkil edilib. Əlavə olaraq, Uşaqların Beynəlxalq Müdafiəsi Günündə Buzovna qəsəbəsində yerləşən “7 saylı Vərəm Əleyhimə Uşaq Dispanser”inə dəstək aksiyası həyata keçirilib (Gərçək Gələcək – YouTube).
Yay aylarında PAŞA Həyat tərəfindən fəqrli düşərgələrə dəstək olunub, gənclər üçün təlimlər keçirilib və dəyərli hədiyyələr paylanılıb – iyul ayında “PAŞA Həyat”ın dəstəyilə Sumqayıt məktəbliləri üçün keçirilən “Yay Futbol Düşərgəsi”, müvafiq olaraq 2-8 avqust və 29-30 avqust tarixlərində Şuşada təşkil olunmuş Diaspor Gənclərinin “Şuşa-270” III Yay Düşərgəsi və “Şuşa İli” çərçivəsində “Xarıbülbül” şəhid və qazi övladlarının yay düşərgəsi, 4 iyul tarixindən avqust ayının sonuna qədər “YAŞAT” Fondunun və “ASAN Könüllüləri” Təşkilatının birgə təşkilatçılığı ilə şəhid övladları üçün həyata keçirilən “YAŞAT” düşərgəsi.
15 Sentyabr Bilik gününə həsr olunmuş Yeni Azərbaycan Partiyası Binəqədi rayon təşkilatı və PAŞA Həyat şirkətinin birgə təşkilatçılığı ilə həyata keçirilən “Bilik həftəsi” adlı tədbir çərçivəsində bir qrup Vətən müharibəsi şəhidinin övladları ilə görüş keçirilərək yeni tədris ili üçün zəruri olan məktəb ləvazimatları hədiyyə olunub. Həmçinin sözügedən təşkilat ilə birgə noyabr ayında məktəblərə şirkət tərəfindən istifadə üçün avadanlıqlar hədiyə olunub.
1 Oktyabr – Beynəlxalq ahıllar Gününə həsr olunmuş sosial videoçarx ərsəyə gəlib. Çəkilişə cəlb olunan və digər ahıllara maddi dəstək olunub ((2) Facebook).
Noyabr ayında Vətən Müharibəsi “PAŞA Holding” və “PAŞA Həyat” şirkətinin birgə təşkilatçılığı ilə “Qəhrəman övladıyıq” adlı şəhidlərə həsr olunmuş bədii kompozisiya təqdim edilib. Qeyd edək ki, mahnının müəllifi Vətən müharibəsi şəhidinin həyat yoldaşı, ifaçılar isə Vətən uğrunda canını qurban verən şəhidlərimizin övladları olub (Qəhrəman övladıyıq – YouTube).
İlin sonu Qızıl Aypara Cəmiyyətinin dəstəyilə PAŞA Həyat şirkəti tərəfindən kimsəsiz, ehtiyacı olan uşaqlara qış geyimləri hədiyyə edilib.
Qeyd edək ki, Lider sığorta şirkəti – “PAŞA Həyat Sığorta” ASC 2010-ci ilin noyabr ayından fəaliyyət göstərir. 31 dekabr 2021-cu il tarixinə şirkətin nizamnamə kapitalı 40,250 mln. AZN təşkil etmişdir. Şirkət müştərilərə müxtəlif həyat sığortası məhsulları, o cümlədən “İstehsalatda bədbəxt hadisələrin icbari sığortası”, yığım tərkibli “Həyatın yaşam sığortası” məhsullarını təklif edir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
