Kapital Bank əməkdaşlarını xəstəliklərdən sığortalayıb

0
735
Kapital Bank əməkdaşlarını xəstəliklərdən sığortalayıb
Kapital Bank əməkdaşlarını xəstəliklərdən sığortalayıb

Kapital Bank əməkdaşlarını kritik xəstəliklərdən sığortalayıb. Sığortalı Azərbaycan xəbər verir ki, ölkənin maliyyə qurumları arasında ən böyük işəgötürən şirkəti olan və 5000 nəfərdən çox əməkdaşı olan Kapital Bank bankçılıq sahəsinin bir çox istiqamətlərini əhatə etməklə yanaşı öz əməkdaşlarının həyat keyfiyyətini artırmağı şirkətin hədəfinə çevirib.

Kapital Bank əməkdaşlarının sağlamlıq və təhlükəsizliyini günün tələblərinə uyğun səviyyəyə qaldırmaq, onların həyatını kritik xəstəliklərdən qorumaq məqsədilə PAŞA Həyat Sığorta şirkətinin “Korporativ Həyat Sığortası” məhsulunu əldə edib.

Məhsulun özəlliyi ondan ibarətdir ki, şirkət əməkdaşlarının həyatını dünyanın hər bir nöqtəsində başına gələ biləcək istənilən hadisələr, kritik xəstəliklər zamanı maddi təminat altına alır. Ən böyük üstünlüklərindən biri isə bütün dünyada keçərli olması ilə yanaşı, istənilən səbəbdən ölüm və kritik xəstəliklər (xərçəng, insult, miokard infarktı, aorto-koronar şuntlama, böyrək çatışmazlığı, iflic və s) zamanı əməkdaşı təminat altına almasıdır.

Qeyd edək ki, bu sığorta növü kritik xəstəliklər zamanı əməkdaşın müalicəsi üçün tələb olunan xərcləri təmin edir. Ödənilmiş məbləğ əsasında sığortalanan əməkdaş öz müalicəsini istədiyi şəkildə (xəstəxana, ölkə və s.) özü təyin edə və ya seçə bilər. Bir sözlə, əməkdaşa kritik xəstəliklərin müalicəsi məqsədilə ödənilmiş məbləğin istifadəsi onun tam ixtiyarına verilir.

Kapital Bank-ın öz əməkdaşlarının sağlamlığının qorunması, əmək şəraitinin yaxşılaşdırılması və əməyin mühafizəsinin təmin edilməsi üçün atdığı bu addım şirkətin öz əməkdaşlarının təhlükəsizliyinə verdiyi dəyərin bariz nümunəsidir.

PAŞA Həyat Sığorta şirkəti tərəfindən təklif olunan “Korporativ Həyat Sığortası” məhsulu haqqında ətraflı məlumatı (012) 942 nömrəsinə zəng edərək və ya PAŞA Həyat (PASHA Life) (pasha-life.az) saytına daxil olaraq əldə edə bilərsiniz.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin