“Şirkətlər sosial sığorta ödənişindən yayınırlar” – Nigar Vahabzadə

0
790
“Şirkətlər sosial sığorta ödənişindən yayınırlar” - Nigar Vahabzadə
“Şirkətlər sosial sığorta ödənişindən yayınırlar” - Nigar Vahabzadə

Sığortalı Azərbaycan xəbər verir ki, bunu “APA-Economics”ə müsahibəsində İqtisadiyyat Nazirliyi yanında Dövlət Vergi Xidmətinin İqtisadi təhlil və uçota nəzarət Baş İdarəsinin Sosial sığorta və əmək münasibətlərinə nəzarət idarəsinin rəisi Nigar Vahabzadə deyib.

“Vergi ödəyiciləri işçilərini vergi orqanlarında fərdi sahibkar kimi uçota aldıraraq minimum aylıq əməkhaqqının digər sahələrdə 25 faizi miqdarında olan məcburi dövlət sosial sığorta haqqını ödəməklə sosial sığorta haqqından yayınırlar. Şirkət adi qaydada 1000 manat gəliri olan işçisinə görə, məcburi dövlət sosial sığorta və icbari tibbi sığorta haqqı üzrə 270 manat ödəməlidirsə, işçisini fərdi sahibkar kimi qeydiyyatdan keçirib bunun üçün 100 manat ödəniş edir”- DVX-nin idarə rəisi qeyd edib.

Nigar Vahabzadə əlavə edib ki, ötən il vergi orqanları tərəfindən görülmüş tədbirlər nəticəsində mülki müqavilə əsasında fəaliyyət göstərən 500-dən çox fiziki şəxs ilə əmək müqaviləsinin bağlanılması təmin edilib. Cari ilin 5 ayı ərzində isə keçirilmiş operativ nəzarət tədbirləri nəticəsində əmək müqaviləsiz işə cəlb olunmuş 1000-dən çox şəxs aşkar edilib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin