ASF Masallıda görüş keçirərək, fermerləri məlumatlandırıb

0
827
ASF Masallıda görüş keçirərək, fermerləri məlumatlandırıb
ASF Masallıda görüş keçirərək, fermerləri məlumatlandırıb

Sığortalı Azərbaycan xəbər verir ki, Masallı Rayon İcra Hakimiyyətinin dəstəyi ilə Aqrar Sığorta Fondunun fermerlərlə görüşündə təsərrüfat sahiblərinə aqrar sığorta şərtləri, onun üstünlükləri, sığorta hadisələri, zərərin dəyərləndirilməsi və ödənişi prosesi barədə ətraflı məlumat verilib.

Tədbirdə Masallı Rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Niyazi Bağırov bildirib ki, aqrar sığorta ölkədə aqrar sahəyə göstərilən dövlət dəstəyinin daha bir istiqamətidir. Rayonda kənd təsərrüfatının əhalinin əsas məşğuliyyət sahəsi və gəlir mənbəyi olduğunu qeyd edən N.Bağırov fermerləri bu xidmət barədə geniş məlumat almağa və ondan faydalanmağa çağırıb.

Fond nümayəndələri aqrar sığortanın işləmə mexanizmi barədə bağlı geniş məlumat veriblər, ayrı-ayrı bitkilər, o cümlədən bölgə üçün xarakterik əkinlər üçün sığorta şərtləri və tariflər açıqlanıb.

Görüşdə bildirilib ki, əkin sahələri və meyvə bağlarını baza sığorta zərfi ilə yanaşı, ayrıca olaraq şaxtavurmadan, dolu nəticəsində yaranan keyfiyyət itkisindən və yağışlardan sığortalamaq, həmçinin kənd təsərrüfatı heyvanlarını – südlük və ətlik mal-qaranı, xırdabuynuzlu heyvanları da sığorta etdirmək olar.

Görüşdə payızlıq əkin sahələrinin sığortalanması üzrə fermerlər üçün nəzərdə tutulan müddətin uzadıldığı da nəzərə çatdırılıb. Belə ki, Aqrar Sığorta Fondu tərəfindən əkin sahələrinin sığortası ilə bağlı müraciətlərin emal müddəti 15 yanvar 2024-cü il tarixinədək uzadılıb. Əkin sahələrini bəyan edən fermerlərə həmin müddətə qədər sığorta ilə bağlı SMS bildirişləri göndəriləcək və onlar öz əkinlərini bu tarixə qədər sığorta etdirə biləcəklər.

Fond nümayəndələri bildirib ki, 2024-cü il 15 yanvar tarixinədək göndərilən SMS-lər üzrə 5 iş günü ərzində ödənişlərin edilməsi mümkün olacaq.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin