ASF sədri Fuad Sadıqov Lənkəranda vətəndaşları qəbul edib

0
844
ASF sədri Fuad Sadıqov Lənkəranda vətəndaşları qəbul edib
ASF sədri Fuad Sadıqov Lənkəranda vətəndaşları qəbul edib

Sığortalı Azərbaycan xəbər verir ki, Aqrar Sığorta Fondunun sədri Fuad Sadıqov Lənkəranda vətəndaşları qəbul edib
Dekabrın 21-də Aqrar Sığorta Fondunun idarə heyətinin sədri Fuad Sadıqov Lənkəran şəhərində vətəndaş qəbulu keçirib.

Qəbulda Lənkəran və Beyləqan rayonlarının vətəndaşları, fermerlər və təsərrüfatların nümayəndələri iştirak edib.

Vətəndaş qəbulu zamanı baş verən hadisələrə görə sığorta ödənişlərinin həyata keçirilməsi, çəltik sahələri və meyvə bağlarının sığortalanması, aqrar sığorta haqlarının hesablanması və ödənişi, əkin subsidiyaların ödənilməsi ilə bağlı vətəndaşların müraciətləri dinlənilib.

Aqrar Sığorta Fondunun idarə heyətinin sədri Fuad Sadıqov hər bir vətəndaşın müraciətini diqqətlə dinləyib, qaldırılan məsələlərlə bağlı ətraflı izah və məlumat verib, onların hərtərəfli öyrənilməsi və qanunvericiliyə uyğun qısa müddətdə həll edilməsi üçün müvafiq tapşırıqlar verib.

Qəbul zamanı qaldırılan məsələlərin bir qismi yerindəcə həllini tapıb, digər məsələlər isə araşdırılaraq həll edilməsi üçün nəzarətə götürülüb. Aqrar Sığorta Fondunun fəaliyyət dairəsinə aid olmayan müraciətlər müvafiq qurumlara çatdırılmaq üçün qeydiyyata alınıb.

Qəbul zamanı bildirib ki, aqrar sığorta dövlət tərəfindən arqar sahədə çalışan fermer və təsərrüfatlara mühüm dəstək mexanizmidir.
Sığorta haqqının yarısının dövlət tərəfindən ödənilməsi sayəsində fermerlər olduqca sərfəli şərtlərlə aqrar sığortadan faydalanıb əkin sahələrini və heyvanlarını çoxsaylı hadisələrdən qoruya bilərlər.

Fermerlərə bildirilib ki, payızlıq əkin sahələrinin sığortalanması üzrə fermerlər üçün nəzərdə tutulan müddət uzadılıb. Belə ki, Aqrar Sığorta Fondu elan edir ki, əkin sahələrinin sığortası ilə bağlı müraciətlərin emalı müddəti 15 yanvar 2024-cü il tarixinədək davam edəcək. Əkin sahələrini bəyan edən fermerlərə həmin müddətə qədər sığorta ilə bağlı SMS bildirişlərinin göndərilməsi təmin ediləcək və onlar öz əkinlərini bu tarixə qədər sığorta edə biləcəklər.

Fond bildirir ki, 2024-cü il 15 yanvar tarixinədək göndərilən SMS-lər üzrə 5 iş günü ərzində ödənişlərin edilməsi mümkün olacaq.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin