Aqrar Sığorta Fondunda Azərbaycan Nar İstehsalı və İxracatı Assosiasiyasının üzvləri ilə görüş keçirilib

0
596
Aqrar Sığorta Fondunda Azərbaycan Nar İstehsalı və İxracatı Assosiasiyasının üzvləri ilə görüş keçirilib
Aqrar Sığorta Fondunda Azərbaycan Nar İstehsalı və İxracatı Assosiasiyasının üzvləri ilə görüş keçirilib

Sığortalı Azərbaycan xəbər verir ki, Azərbaycanda nar bağlarının üzləşdiyi risklər və məhsulun aqrar sığota vasitəsilə qorunması Aqrar Sığorta Fondunda (ASF) Azərbaycan Nar İstehsalı və İxracatı Assosiasiyasının (ANİİA) üzvləri ilə görüşdə müzakirə edilib.

Görüşdə bildirilib ki, ölkədə rəsmi qeydiyyatdan keçmiş 8 min hektaradək nar bağı var, amma qeydiyyatda olmayan bağlarla birlikdə bu rəqəm bir neçə dəfə artıqdır. Nar bağlarının böyük hissəsi – təqribən 80%-i Mərkəzi Aran regionunun payına düşür.

Aqrar Sığorta Fondunun İdarə Heyətinin sədri Fuad Sadıqov Fondun əsas hədəfinin ölkəmizdə bütün aqrar sahə məhsullarının sığortasını genişləndirmək, bununla da fermer və sahibkarların gəlirlərini qorumaq olduğunu bildirib.

Azərbaycanda 500-dən artıq fermer və sahibkarı birləşdirən Nar İstehsalı və İxracatı Assosiasiyasının (ANİİA) İdarə Heyətinin sədri Fərhad Qaraşovun sözlərinə görə, hər il ölkədə təxminən 187 min ton nar məhsulu yığılır, bunun 29 min tonu və ya 15%-i xaricə ixrac edilir.

Görüşdə aqrar sığorta mexanizmi vasitəsilə nar əkinlərinin sığortalanması imkanları müzakirə olunub, aqrar sığortaya 50% dövlət dəstəyi sayəsində fermerlərin cüzi məbləğ müqabilində əkinlərini sığorta edə bilməsi vurğulanıb. Məsələn, Mərkəzi Aran regionunda 1 000 manatlıq nar məhsulunun baza zərfi ilə sığortalanması fermerə cəmi 8,2 manata başa gəlir.

Fermerlər əlavə ödənişlə nar bağını dolu nəticəsində baş verən keyfiyyət itkisi və şaxtavurma kimi risklərdən də sığorta edə bilərlər.

Bundan başqa, yeni salınmış bağlarda tingləri və ağacları da sığortalamaq mümkündür.

Görüşdə bildirilib ki, aqrar sığorta şərtlərinin sərfəli olmasına görə, ölkədə sığortalanan nar bağlarının sahəsi artmaqdadır. 2023-cü ildə 455 hektar nar bağı sığorta edildiyi halda, 2024-cü ildə bu rəqəm 2 dəfədən çox artaraq 1000 hektara yaxınlaşıb.

Görüşdə nar bağların sığortasının artırılması məqsədilə Aqrar Sığorta Fondu ilə Azərbaycan Nar İstehsalı və İxracatı Assosiasiyası arasında əməkdaşlığın daha da genişləndirilməsi qərara alınıb.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.

BIR CAVAB BURAXIN

şərhinizi daxil edin!
Buraya adınızı daxil edin